ATHOUBASINGGI KHUVAMDA MEEYAMNA HEIKAT LEIKAT TAMBIYU

REVOLUTIONARY PEOPLE’S FRONT

PRESS RELEASE || PR No.24003 Date: 2024-04-11

“ATHOUBASINGGI KHUVAMDA MEEYAMNA HEIKAT LEIKAT TAMBIYU”

Ema leibak Manipur bu India gi loilam leingaktagi ningtamba hanjinnaba changsillakliba lanjang asida thouna faba athouba kayagi e-khengtana yektuna thamlamlaba “Athoubasing gi Numit” “13 April”na lakpada ema leibak-kidamak thawai kat-khraba laioikhraba athouba chingburoi tamburoi singgi mafamda RPF amadi masigi lanmee sanglup PLA na kok nonduna ekaikhumnaba utchari. Loinana yeknaba India gi lamlou lanmee gi tamthiraba meeot meeneida, mapuroiba, macha. kainabagi awa meisa langhourabi ema ebel echal echesing amadi punsi chuppa soinaiduna awa cheitheng khangliba nungsijaraba ereichasing khudingmakki mafamdasu RPF amadi masigi lanmee sanglup PLA na ekaikhumnaba utchari. Adungei Kodompokpi gi lanfamda Athouba singna thawaina pontha pikhibadu lamdamsigi meekha pollaba meeyamgi hayenggidamakni. Laioikhraba Athoubasingna meekha pollaba lamdamsigi ningtamba ereibak amagidamak lisangsitna katthoktuna lakkhibagi langlaba param asi henna henna mayek sengna lakkhi. Adubu athoubasinggi katthokpagi langlaba fidam amasung wakhallon asibu houkhiba matam kharagi mamangdagi India leingakna maksinhannaba amasung meeyamda chamamnaba pokhannaba ngamjabi thakta leptana hotnarakli. Asigumba India leingakki hu chellaba meeyambu chamamnaba pokhanba thourang asi meeyamgidamak khallaga thengnabagi mahutta lamdamsigi hanglai leingak amasung masina semgatpa sasinnaba akhang- aheisingnasu India gi thousil asibu mateng pangsinduna meeyambu sumduna thamli. Kanglup maselgi lal semduna suicidal oiba landa leibak meeyamgi issue oiri. India leingakna semgatpa suicidal oiba lan asida state leingak oiriba hanglai leingak asina henna thawai yaosinna thabak toubadagi fivam asi henna sokchilhalle.

Yeknabana semgatpa lan asibu masak khangdokpa ngamjadabadagi ngasidi meeyamsu suicidal war asida masagi leijaba energy- resource pumba loina sijinnari. Suicidal war di esana athouba thangsang ama paiduna khong-khut kakthatpa, hakchanggi kayat kaya lenthattuna chenthariba e-du uraga thouna fabani khanbani. Yeknabana nokfet touraga yenglibasi hakchanggi kayat kayasina hakchangdagi tonganna takhiba aduga e-chatmanduna wanthaduna tabaduni. India leingakki thourang asibu sougatliba- masibu tanaba hotnabada mapung oiba thoudang louriba hanglai leingak asibu leibak ningba koubra? Kanglup amana nattraga anina ningsingba thoktraba matamdagi leiraklaba ereibakki apunbagi saktam thugainaba hotnaribasi India na ensillaga makhoina khoichoppagi tinthrok oibani. Eikhoina khoida lengba tinthrokni khangdabagi khoida thubani. Houjiksu matam leiri, khong- khut kendri. Thuna taisinnaba, sayon chingkhatnaba hidak thaba chang-e. Hidaktu puthoktuna chabagi mahutta asokpadu patnaba anouba lallong puthokpa chumde. Masi yeknabana khwaidagi pamba lallongni. Makhoina lonna sougatlibani. Thawai yaona hotnamankhibana meeyamna efong fongna unaraklibani. Meeyamlaktagi toina haiba tai, eikhoigi issue leite, eikhoigi lup yammi, eikhoi tinnaba yade.

Ningtamna leijaramba leibaksina, ningtamba munkhibadagi meekha pollabada ningtamjage haiduna ningtamba hanjinnabagi lal touribasidagi henna chaoba kari issue leiribage? Issue asi meeyamna khangbibaga loinana ngallingeidadi lup kharadamak thabak tourammi. Lupsu yamlamde. Apunba Manipur amagidamak khangna chatlami. Suicidal war thokpa yaba khudingmak masel fathanaduna thokhande. Masi thugainaba India na ethil piba lup kaya thoklak-e. India gi lanmee achouba kayana thabaktagi pottharaga meeyamgi luchingba oirakpa, criminal kayana luchingba oirakpa, officer oiningbasingna promotion pide haiduna warouduna thabak toklakpasigna meeyamgi luchingba oirakpa, lup semla-semlaga demand amamamga sagonnaduna ehou macha macha tourakpa, Chanakya-gi hainaba yadrabadi chamamhallu haibaduni houjik India na Manipur-da touribasi. Yaitong khamdongbana semba karamba lupna karamba meeyamgi apambada thabak tougadouri. Masibu ujaba ngamdaba meeyamnasu asigumba lupsing asiga paktaknana khutsamnaduna chatminnari. Masi tanaba India na atamnana sel amadi mee sijinnaduna matam kaya changna thourang touduna sinkhrabani. RAW gi khutsumal chaba mayam luchingbani haiduna meeyam marakta wajao thadari.

Masi meeyamna manung thitna uba chang-e. Houjikti kaithaba yaba kaitharabanina apunba Manipur ama nouhounana semgatnabagidamak masigi mayokta leigadaba, yeknaba oigadaba kannadaba machak pumnamak semgatpa toklasi. Karam touraga apunba Manipur oihangadage haibagi lambida laksi. Emotion da yumfam oiba thadoksi, ethnic polarization laktanaba hotnasi. Wafamsing asi maru oide hairabadi August 13 da athoubasing ningsing numit, Khongjom Day, Nupilan pangthoklubagi kari kannari. Leibak asigi echin-enao, ema eben singda haijaningbadi leikai sinthungna leiriba thouoibidraba ningsing fura kaya leiribado leingakki contract work munnabagi khatnabada siba natte, fattaba lalon-etik toubada sikhiba natte. Poknafam emagi yotling thadatnaba thawaina pontha pibani. Thokkhiba thoudoktu thengnafam thok-e. Genocide, ethnic cleansing tourakpani. Adubu kanglup amagi marumda khudingmak sin langliba Delhi Bandit sing adudadi tainabagi warol amata ngangdana, nakhoina toubani haina khut thinduna laoba yaodana tainafam chadana tainaba, thingelda tainadraga nasikhongda tainabana chaokhraba ehousigi kannaba lougadabada suicidal war henna chaothokhankhi haijabani. Masi tanaba kanglup amada thina–thina ngangliba luchingba saba pumba Delhi Bandit singna ensinba louba kangbuni.Wafamsing asi lakchabagi maramdi houkhiba chahi kayada April 13th da heikat-leikatpadi pukning leitana katchaba ngammi.

Adubu handakti kanglup masel khutsemgi landa mayum mei chakkhraba ereicha kaya, macha-masu setna khainabagi meichakna kapna–laonariba, mama poknafam lamdamda refugee oina leiriba mayamsigi mitki pina heirang-leirang oiduna katpada mongfamda yatariba athoubasingduna hainingba wafam kaya leiramgani. Madu hingjariba eikhoina, madusu ngasi hayeng khangjadraba thawai khubakta haptuna lanthengnaribasingna meeyamda paodamjadrabdi pullapki oina laiman oirani khanduna thamjaba wafam ngaktani.Meeyamsu awaba kaya mayoknadabadi natte.

Delhi na meeyambu pangthahanbagi lallongdi kaya nanna toubage haibada, matam amada ngmakhei sambal khaba yadabada eikhoi haraonakhi.Houjikna sambal khaba amasung Free movement regime louthokpada Delhi leingak fei hairibani. Mayang lanmee lising 50/50 na koisinduna eikhoigi achat-awokta mamit laothoktuna yengduna leiribani. Loi mapuna loi chanduna adum leinaba hotnei haibasi kaoba lalli. India na Manipur macha singbu India macha amani haina khallamlabadi houjikki lal asi sungthok thoklamloi amadi meetop kayada afaba khutlai paihallaga meecham mayam hathallibasi khak touramloi. Kankhraba leibaksina magi leibak manungda kanglup ani lal soknahanduna meesi-meena thokpada chahi ama changna yengduna leiba hounade. Tangkak asi youraba faobada India na chatthariba lallong asi eikhoigi meeyamna wakhal taba ngamdrabadi tunggi meerolgita nattana houjikki meerol asigi maraibak kari oigani. Ngasigi meerolgidi pangna-sanaba houkhragani. Tungda lakkadaba hayenggi meerolda piramgadouriba Manipur dugi maramda ngasigi meerolsina kharada oirabasu khanthaba chumgani. India na thakpa langda thuduna matam sangna ereibak nungsiba haiba tangkhraba landugi famjilluraba egi echel adu handakki India na sinba kanglupki lal asina meeyamgi singli naorida amuk nouhounana ehourakle. Adubu Political Ideology yaodana ereibak nungsiba lup semduna meeyamgi thabak touba afaba natte, aduga mai pakningaisu oide. Eikhoigi meeyam otpiraba meeyamni, otpiraba meeyam eikhoi masel yeknaba oina semba hounade. Eikhoigi yeknabadi otliba lamdugi leingakni. Loi mapugi yaka yengduna thabak touriba lamdamsigi luchingba saduna meeyambu awaba epakta chingliba pumnamak loi mapugi huiroini. Khurakki e-na lai sabani. Masibu eikhoigi meeyam laktagi khaidokpa ngmadriba makhei eikhoigi meeyam yeina kangdrum mafon thok oina hingkhini, thengkhang kayarak awaba nangkhini.

Wakhallon asina kokta haplaga thawaina pontha pikhraba athoubagi mongfamda ereipak nungsibagi thamoina ngamjaba hei-lei khara katchabada mapugi leikolda potthakhraba thawaisingduna momon meenok tamjagani khanjei. Handakta ema leibakki apunbagi saktam kannaba thawaina pontha pikhraba khun ngakpasing gi mafamdasu yaolgi ekai khumanaba utchari. Masiga eroinana eikhoi ereibakcha pumnamakna kaobiroidabadi loilam leingak makhada leiriba eikhoigidi mafam matam pumnamakta lalgi lal ngaktani. Lalna yomduna hingba punsi oigani. Lal ama loikhrasu atoppa lal amamuk lakkhini. Toubatabu lamdamsida thokliba lal makhal pumba loi mapuna semba khutsemgi lal ngaktani. Pumnamaksi ereibakna ningtmalaba matamdata koktuna meeyamna matam chuppagi eng tappa chaokhatpa haibadu fanggani. Aroibada handakki chahi 2024, April 13, Sajibu gi manga ni panba Thangja numit “Athoubasinggi Numit” asida chingmi tammi ereicha khudingmakna esa easagi achinba kaya kaithokpiduna laioikhraba athoubasing gi khuvamda heikat- leikat tambada saruk yabinaba amasung numidanggi matamda yumthong khudingda meira katpinabasu RPF ki maikeidagi nolukna paojenjari. Loinana numit asigi oina laining laisongi thabak thouramsing nattana chakcha heijanaba amadi makhal khudingmakki harao kumheising leppiyu haina RPF na haijari.

“Victory to PLA”“Long Live RPF”

Dt. 2024 – 04 – 11

(Roben Khuman)

Deputy Secretary Publicity Revolutionary People’s Front.

---

Official File