The Liberation Times | Vol. 1 Issue No. 2

Manipur da India gi meeot meenei amasung International Criminal Court.

Ing sok 1949 gi October 15 da India na Manipur bu malemgi chatna pathap thugaiduna amasung meeyamgi apambagi maiyokta yamna lujadaba mawongda namduna loushinkhibadagi India gi loilam leibak ama oina ngashi faoba awot aneiga loinana eikhoigi meeyam hingli. Ngashi faobada Manipur gi shel thum amasung chaokhat thourang fagat-hanbagi mahutta hanna leijaramba shel thumgi lambi pumnamak thugai yeikhaikhibata nattana India haiba apunba leibak asi poktringeida eramdam Manipur asida chahi 2000 dagi henna mashagi puwari, leingak lon, nat, chatnabiga loinana nungshi chanana hingminnariba phurup mashel gi marakta nungshinadanaba shingchep yeishinduna amaga amaga hat-nahannaba shilli amasung hatnahalli.

Malem gi chatna pathap thugaiduna amasung Manipur meeyamgi apambagi maiyokta eramdambu loushinkhibana, loushinkhibagi maiyokta leirakkani khangbana Delhi gi churanthabasingna eramdambu matam shangna makhoigi makhada namthaduna thamba yanaba amuba ain kaya haibadi TDA, POTA, AFSPA nachingba eramdamda thamjilli. Loinana magi (India) yeknaba amaga eramdamda thamjilli. Loinana magi (India) yeknaba amaga thengnabada shijinnagadaba yamlaba lanmee mashing amasu earamdam asida thamjilli. Act sing asigi manungda eramdamgi meeyambu yamna tathi taoina touribadi Arm Forces Specail Power Act-1958(Assam, Manipur) (AFSPA) asini. Act asina churanthaba mayang lanmee amasung Delhi bandit singgi khoubunai eramdamgi luchingbani haijaba leingak chupli pairiba meeremkhak singga manaraga shemba state force singda panggal pibana eramdamda ningtam lanjang asibu namthabagi namada churanthaba mayang lanmee, amasung state force singna maral leijadaba meebu faduna ot-neiba, hatpa, manghankhiba, nupibu ijat manghanba, ijat manghallaga mihat thina hattokpiba, lut touba, pullap puna hatpa, khunekta mee faba asina chingba meeoibagi lichat nattaba thouwong sing lishang shitna chatthari. Churanthaba mayang lanmee na atamnana, lishang shita eramdamda meeoibana khunda leitaduna leiba ngamloidaba thouwong chattharakpana nungshiraba Ima leibak Manipur dagi Manipuri haiba furup asi malemgi leimaidagi muthatkhinaba chathaba thouwongni haibasi mayek shengna tak- e.Eramdam Manipurbu uful tana neikhainaba amasung leiriba furupsingbu muthatnabagi pandamda thajillakpa churanthaba mayang lanmegi strength amasung state force ki strength ni makhada piribasi.