October 15: National Black Day

Press Release | Ref/No/PC-PR64-Dt.10/10/2023

Engkumja 1949 da India na matam adugi Manipur (Kangleipak) ta leiba Congress Party gi Lalloisingga loutunaduna Manipur (Kangleipak) pu namduna lousinkhi. Ngasi Engkumja 2023 asidana India Government na Bharatiya Janata Party amasung Indian Army na ensillaga chatpa masagi oijaba fanggadaba oirabadi India gi makhong konbada ekaidaba, Manipur (Kangleipak) yonthokpa khurakki ena lai saba khutchabi Hanglai (Puppet) leingak amadi Saroi-ngaroi (Henchman) sing sijinnaduna kanglup ki lan ama thokhannaba silli. India Government gi khutsemgi lan asida maral leijadaba Manipur (Kangleipak) gi chamlaba meecham meeyamdi meesi-meena nangle, macha-manao mangkhibagi awa-nungaitabagi cheitheng nangle. Yelhoungeidagi nungsi channana machin-manao amagumna leiminnaduna lakminnaraklaba kanglup-furup singgi marakta, amana-amada, hu gi masak oiraba oida-padaba athiba wahei kaya kamsinduna yengthinahalle, hatnahalle. Manipur (Kangleipak) gi chafu kaihallaga Mayang kwak na khullinglani haiduna haraore, Manipur (Kangleipak) leibakti meekap-meeraokhol na pik thalle.

Meehatpada halengdraba loi mapu Modi na G20 gi meefam da India asi “Buddha amasung Gandhi gi senglaba lamdamda (in the holy land of Buddha and Gandhi)” haina palli aduga Manipur (Kangleipak) ti India gi lam oidabanina ensillaga hatnahalli. Modi na Manipur (Kangleipak) da lakpa matamda CorCom na “Handak 2014 November 30 da India gi marou chaoba Loi makok Modi na khongdarakpa asi eikhoi lebakki oinadi O-MANGOL (Bad Omen) gi masakni” haikhi. Ngasidi CorCom gi laifaogumlaba wafam asi chumle. Maramdi “Ngasigi India leibak asi Gandhi hatpa amasung Gandhi hatpa kangbuna panba leibakni”. Oida-padaba, meenam-sori ngangbada halengba leitraba, ekaikhangdaba, Gandhi na “Impotence”^[1] haina singthaba Mayang loi leingakna pambadi Manipur (Kangleipak) leibak amasung leibak asida fumduna leiriba lan-thum mayam asitani. Manipur (Kangleipak) da yelhoungeidagi khundaduna amasung panduna lakliba yelhoumee sing asidi India na mee ama oina singthade. India na sarou ama nattra ama touduna eikhoi masel hattoknahallaga Mayang Lanmi na khullingba Mayang leibak ama semnaba khujil-thourangni. Matam kayagi mamangdagi India na loutunaduna sillakpa khujil-thourang asina maram oiduna Manipur (Kangleipak) asi India na Engkumja 1949 gi October 15 dagi lousinkhi. India na loi chansinkhiba asigi mahei oina ngasidi Manipur (Kangleipak) asi meekap-meeraokhonna thallaba, kanglup-masel yengthinaraba, leikha-taraba leibak haibadu oire.  Oihallakliba asi makhatana henna sathiba fivam ama oihallaknaba aronba thousil kaya leppa leitana chatharakkhigani. Nungsijaraba Manipur (Kangleipak) gi meeyamda CorCom na haijaningbadi eikhoi meekap thoklasi, fatta-lousing heiba India gi lounam-namthak masak khanglasi. Manipur (Kangleipak) asi, leibak asida khundaduna leiminnariba furup khudingmakkini, khundaminnariba kanglup-furup khudingmak punna nungsi channana hingminnasi amasung punna chaokhatminnaduna panminnasi loinana lam karamba
India gi mathakta punna lan thengnaminnasi.

It is better to be violent, if there is violence in our hearts, than to put on the cloak of nonviolence to cover impotence.” – M K Gandhi

India na Manipur (Kangleipak) pu namduna losinkhiba numit October 15 asi eikhoigi ningtamba amasung meeoibagi hak manglaba amamba numit “National Black Day” haina CorCom na khangnaduna lakli. Maram asina lakliba Engkumja 2023 gi October 15 asisu mahousagum ayuk ki pung 06:00 tagi numidang-wairam pung 6:00 faoba Manipur (Kangleipak) gi mafam pumnamakta CorCom na pung 12 chupna Total Shutdown laothokle loinana meeyamna Shutdown asibu sougatpiyu. Total Shutdown manungda tangai-fadaba ana-layeng, meihou-langpok, e-pao amasung laining-laisol ga mari leinaba gi thabaksingdi komthokkani.

Publicity Committee, Corcom

                                                                                                                          

Kangla, 10 October, 2023

---

Official File