LEIBAK MEEYAMGI NINGTAMBA PURAKNABA LOUMEE-SINMEE MEEYAM AMATA OINA PULLASI-Corcom

PRESS RELEASE Ref/No/PC-PR58/30/04/2023

Malemda potthok puthokpada mapung oiba thoudang louriba sinmee singbu senjao paiba sinsanggi mapu singna tuhat neihatpiba thouwong adubu apunba sinmeegi pangalna singnaduna anouba mangal ama purakkhiba kaongamlaroidaba numit May Day na lakpada ngasigi suri nomliba sinmee pumnamakki maphamda CorCom na ikai khumnaba utchari. Numit asi Senjao paibasing na sinmee singbu ka henna meeot meenei chattharakpa adugi mayokta sinmee singna amatta oina punsinnaduna 1886 ki May 1 da Chicago gi Haymarket ta hourakkhiba ehou adubu ningsingbani.

Senjao taanbasingna sinmee singbu ahenba sendonggidamak potthok henna puthokhannaba pungsing leptana sinmee sing sijinnaraga sendong na senjao paibasingna phangba adugi mayokta changsillakpa ehouni. Sinmee gi Numit asiga mari leinana ireicha sing maru oina Loilam leingak amadi senjao paibasingna tuhat-neihatpiriba loumee-sinmee amadi meeyamgi maphamda CorCom na wapham khara phongdokchari. Meeoibabu meeoibana ot-neiba amadi namtharaga meeoi khujok amana malemgi lan-thum amadi science amasung technology gi mahei chaduna leihanba kanglon ama leiriba phaoba loumee amadi sinmee singgi punsida taibangpaanbagi nungaiba haibadu keidounungda phangba ngamloi haibasi CorCom gi thajabani. Suri nomliba meeyamgi humangmaldagi thoklakpa mahei khudingmak leingak-chupli pairiba meeoi kangbu amana chaduna lakli aduga makhoina mahei pumba chupthokkhraba matungda lemhouba aremba khara marak chenba meeoi khujok amana chari. Leita-lairagi awaba potlum puriba, nongmagi khutsumaltana hingbagi lambi oijariba malemgi meeoi cha kayana hingnabakhakki laanthengnari. Asigumba lairaba meeyam asigi punsigi mamaldagi enak-keirak khunba meeoisingna loiriba makhong mari paanba thawai paanbasingna faoba mamal leiba helli. Asigumba thak kha naiba khunnai asibu thugairaga maannaba khunnai ama semdriba phaoba loumee-sinmee singna malemgi nungaiba mapung phana phangba ngamloi. Maannaba khunnaigi ehou asi khutsumal hengathanba nattaraga thabak suphamda layengnabagi mapham macha ama phangnaba hotnaba nattraga lairaba meeyamna enak khunba meeoi khujok amana nungainaba su nombada charam-thaklam khangdabadagi narakpa matamda apikpa selgi tengbang khara leingak mapusingna mamingtagi oina piriba adu phangnaba hotnaba asina aroiba panthung ama natte. Maannaba khunnai ama oihannabagi ehougi panthungdi lairabasingga enak khunbasingga maannana khudong chaba phangminnaduna taibangpaanda nungaina punsigi mahao leina hingminnabaduni.

Masi malemgi ehouni, meeoiba khunnaibu nungsibagi ehouni. Adubu Manipur (Kangleipak) gi liklamchat ki paring asi loilam leingak anina thangna thangnana namkhairakpana, eikhoigi liklamdagi thoklakpa potlum ani eikhoina ngasi phaoba thengnari. Khal maannadaba khunnai kayana purakpa awaba potllum ama eikhoina ningthou paallingei matam amadi matamdugi chatnabi amadi chatnalonchatna semgatlakli. Potlum adu ngasi phaoba eikhoina thaangthaduna leibak asigi meeoi khudingmak maannaba phida amada leiminnahanba ngamdari. Lamgi mapu phaoba oijaba phangdriba meeoi kaya ama eikhogi irakta leiri. Makhoibu mapung phaba meeoi oihanba ngamdari, meeoi khujok amagi makhada hingli. Nakal amaromdana, leibak asina loilam leingak ki makhada leirakpana atoppa potlum amagasu eikhoigi ithakta leiri. Aduna mapaan lamdagi leibak asigi leingakpagi nattraga lanthum gi warep khudingmak louduna leiri. Aduga potlum pubagi awaba adugi maram asi eikhoi masel onsinnaraga amana amada saonaduna leiri. Mapaan lamdagi taotharakpa yathangdagi leibak asigi hanglai kharana meeyambu laining nattaraga lon nattraga thabak phangnaba phurup ki thak hanthasi hairaga amaga amaga onsinnaduna khatnahanduna lakli. Maram aduna leibak asigi lam nattraga leingakki oipham thokpa masak-maong amata eikhoina lepchaba ngamde.

Eikhoi masel phamminnaraga apunba warep ama loubagi mahutta, mapaan leibakki leingak kangbu amana wayelhanba haibasi heinabi oiraki. Manipur (Kangleipak) gi houjik leiriba phibham asi ngasidi meeyamna kari phanglibage haina khanthabagi mahutta nattraga naharolsing gi marakta leiriba thabak phangdabagi wathoksing asi neinabagi mahutta, political party singna eikhoi-nakhoi haiduna aphaba saduna leiri. Wathok amata, wathok aduna meeyamda kari cheitheng piri haibasi neinabagi mahutta nakhoigi matamda kayam phakhi, eikhoina asumna touribasina nakhoidagi helli haiduna chinda-paodanaduna leiri. Masida meeyamgi wakhalda makhoigi awaba koknaba pambei thinabagi wakhal kaothok-hannaba hotnei. Masi loilam leingak amagi pangkheini haiba yai. Manipur (Kangleipak) gi loubuksingda lam leijadraba loumee singna lou-u-singubagi sinmee oirakpa amadi loubukta khutsumal taanba meeoi kaya thoklakpa, aduga meeoi kangbu amagina nongma nongmagi senjao chaothoklakpa haibasina meega meegagi marakta khennaba hengatlakli haibasi mayek sengi. Ching gi lamda sinmee kaya leirakpa amadi makhoigi lamda puthokliba pothoksingna malemgi kanglon asida hingba ngamlaktaba haibasi khanthabagi mahutta ching gi lairabasingda laandaba war on drug ki mingda political khudongchaba lounaba hotnari. Drug sungba amadi lalonbada senthang thathariba amadi senjao paiba lallol-sel puthokliba meeoisingdi nakoinana sougattuna thamli.

Achou-asang kounariba meeoi kangbu adugi maraktagi drug lallonabada yaorakpadadi, mamai leithoktuna leiri haibasii eyu unaraba ngaaktani. Asumna drug amadi yu na maram oiraga khunnai kanglonda angakpa akiba phanglaba wathok oi haibasi khangna khangna yu bu law na yaba potlam oihangani, aduga “Hakchang phaba Yu” sunghannaba factory lingkhatpada ayaba pigani hairiba asimakna loilam leingakki wakhallol adu uthokchari. Factory sing adugi aningba apaamba yenglaga makhoidagi laakkani hairiba tax sing Yu na purakliba kang-khong chaiba adugi mahut sinba yagadabadouna uhannaba laaknari. Yu sungba yonba amata law na yapham thokte haiduna lup kharana amadi meira paibisingna laoriba khollao asi namthanaba amadi choirol oina maalhannaba hotnariba asina mapaandagi laakpa factory kharagi aningba apaambagi yaka yengduna leibak asida pokpa meeoi khujok amana hotnari. War on drug amadi Yu law na yana sungba yonba yahanba haiba wapham ani asi tuna yengba ngamdanaba tongaan-tongaanba propaganda kaya sijinnari. Masida araanba amadi aronba wa khara chennari haibasi khangna khangna meeoi kayana singnaba ngamlaktaba asimakna loumee sinmee sing gi wakhalbu tusonnahanba hotnabadu mai paakkhibani.

Loumee sinmee singgi maraibak asi singnaba amadi laanthengnabada lei. Loilam leibak amagi loumee sinmeegi maangda tariba singnabagi pallon asi anini haibasi eikhoina kaodaba changi. Amana eikhoibu loi challiba loilam leingak amadi atoppa amana eikhoigi meeyambu tuhat neihatliba senjao taanba khunnailol asini. Pallon ani asi maru phukna langthoktribamakhei loumee sinmee meeyamna puriba awaba potlum asi kokkhiroi. Ningtamba leibak ama purakpa haibasi meega meega maannadaba chatnalol kaya asi thugairaga maannaba khunnai ama puraknabagi ahaanba khongthangni haina CorCom na loujei. Maram aduna loumee-sinmee, meeyam pumnamak ngasi eikhoibu phajin punsinduna namthaduna thamliba loilam leingak amadi senjao taanba khunnai asi singnaduna anouba Leibak Meeyamgi Ningtamba Manipur (Kangleipak) ama puraknaba laanjang amagidamak sem saminnarasi.

Kangla, Publicity Committee CorCom

30 April 2023