KANGLUP – PHURUPSINGGI MARAKTA KHATNAHANNABA HOTNARIBASINGGI KHUTTAGI CHEKSINSI

PRESS RELEASE PR No.22009 Date: 2022-09-23

Houkhiba September 17 ta Manipurgi Kamjong district ki mafam amada khanghoudana chattharkkhiba Indian security force-ki ambush amada PLA gi thouna faraba lanmee Captain Lucky, Captain Sanjit amasung Captain Ayangba ahumna leibakki ningtam landa thawaina pontha pikhibaga mari leinaba wafam khara fongdokchari. Tongan tonganba e-paoga mari leinaba media singda athouba lanmee ahum asina leikhidabaga mari leinaba amadi chamamnaba pokkadaba loinana lamdam asida leiminnariba amadi hingminnariba furup-kanglupsinggi marakta khutsemgi oiba yengthinaba pokhanningai oiba yaba machaksing yaorakpadagi tangai fadaba leibana party-na masigi maru oiba adu lumna loujaduna warol asi thamjabani. Lakliba wafamdi athouba ahum leikhidaba asi atoppa lalhou lupna sem saduna pangthokkhiba ambush amani haina media house kharana report touri. Ambush asi Indian Army gi 21 Para SF 5 AR amasung makhoina sagatpa Hostile Mercenary gi khutpu amana sinduna pangthokkhiba amadi loilam leingakki mayokta leptana chatthaba ningtam ihoubu namthanaba hotnaba thouwonggi saruk amani. India leingakki tongan-tonganba agency kayana lamdam asomgi meeyambu namthanaba hotnaba thourangsing arotpa amasung afongba mawongda chatthaduna mahousadagi lakli. Asigumba thouwongsinggi manungda kanglup masel khaibung tahannaba hotnaba asi khwaidagi maru oiba amani. Masel khatnahallu aduga leingak paring chatthou haiba asi loilam leingakpasinggi tatna thanba yadraba machat ama oiduna lakli. Aduna kanglup furupsing yengthinaba pokhanba amadi kanglupki irang thokhanba asi India gi leingakpasinggi khwaidagi khutloiba thousil ama oina lamdam asigi yawollupsing amasung meeyamgi marakta India leingakna chatthaduna lakli. Colonialism asi houjik khwaidagi chaokhattaba leechatni haina lounaraba matam asida India na hiram asida mangjin thanaba kanna hotnarakli haiba asisu lamdam asigi meeyamna munna khangi. Houkhiba Manipur gi ningtambagi apunba puwarida yelhou kanglup maselgi marakta muknaba, yengthinaba amadi maduna oihallakpa hatna sunabagi wafam amatta leikhidri. Adubu India gi makhada namduna leihankhraba matungdadi hanna leiramdaba nattraga thoklamdaba kanglup maselgi oiba wafamda yumfam oiduna firep semba, firep sembagi thouwong uba fanglakli. Asigumba wakhallonda thajaba meewoisinggi thouwongda RPF na keidounungda sougatte amasung wakhallon asida yumfam oiduna touriba thabak thouwongsing lup asina matam pumbada cheksinna sennaduna leiri. Manipur di kanglup amakhakna mafam khuding sinthungna paktaknana khundaba lamdam natte. Apikpa kanglup kayabu khara chaoba kanglupsingna nungsina amadi ikai khumnana loinaduna ing chikna leiminnarakpa lamdamni. Manipur na ningkha tamlingei Ningthou pallingei matamdata nattana British ki makhuttagi ningtamlaba matungda meekhal touduna semba meeyamgi leingaktasu ching tamgi kanglup khudinggi meehut pumnamak suna yaoba meeyamgi leingak lingduna lakkhi. Adubu India na Manipur bu lousinkhraba matungdadi tongan tonganba kanglupsinggi marakta tinnaba yadanaba hu kamsinduna kanglupki irang sagatlak-i. Manipur gidi composite history ni, aduna ningtam ihou asisu composite struggle ni. India na masi khangduna ningtam ihou asi tapthahannaba kanglup maselgi nungsinaba asi thugainaba hotnarakpani. Matam kayagi mamangdagi makhoigi thadoknaba yadraba pambei ama oina chattharakliba India gi thouwong asi houjikti wakhal taraba Manipur meeyamna mayek sengna khanglakle. India mai pakloi. RPF na changsilliba ningtamba hanjinnabagi lan asi akaknaba kanglup ama nattraga kanglup kharakhakki natte, kanglup khuding suna yaoraba Manipur meeyam pumbagini. Ngasi faobada RPF na changsillakliba sanglaba ningtam lan asida ireibakki meeyamna thajabiduna kanglup khudingmakki meeyamna laining-laisol, furup-kanglupki khennaba wakhal thamdana saruk yarakli amadi angamba mateng pangduna lakli. Kanagumba akaknaba furup-kanglup amatana atamnana RPF na changsilliba ningtam lanjang asigi mayokta leppa nattraga ihou asigi mayokta thabak touba leikhidri. Karigumba tanjada masada mareibak nungsibagi ihul machet ama faoba chendraba, meewoibagi punsibu leikha tahalliba mayai kaba chinjak, nongmei amasung aronba potnachingba lalon-itik touba ngamkheida taba seltabu meehouba meewoi 1/2 kharabu India na khutlai oina sijinnarga ningtam ihou asigi mayokta thabak touhalli. India gi langda thuraba asigumba meewoi khara asidi selbu fanglagadi makhoina touroidaba thabak leite. Asigumba meewoising asi kanglup-furupki mityengdagi nattraga wakhallondagi oirakpa natte. Makhoigi leifam amadi punsi mahingdagi oirakpani. Asigumba meewoising asibu India na thiraga khutlat oina sijinnaba haibasi karisu aruba thabak natte. Asigumba meewoising asi kanglup- furup amagi meewoi hekta oiba yai. Adubu eikhoinadi makhoi kharana fattaba thabaksing toure haiduna makhoigi kanglup-furupki ming palluba haibasi achumba amasung asingba thouwong natte. India leingakki aronba amadi afongba langda thuraba lup nattraga lanai meewoisingbu RPF na lamdam asigi ising nungsit amasung puwaribu masak khangdaba, ikai khumnaba ngamdaba pari-puri khangdabasingni haina louwi. Lamdam asigi yawollupsingbu eikhoina ningtambagi lan asida saruk yaminnariba marupsingni haina louduna matam chuppada ikai khumnaba uttuna lakli amadi madugi ikai khumnaba adu atei lupsingna matam pumbada pibiri haina louri. Maram aduna eikhoi pumnamakna lamdam asigidamak apunbagi saktam ngaknabagi chen-chongjariba aronba amasung afongba thoumeesinggi marakta khaibung tahannaba hotnariba India gi makhada leiba lupsingna aronba amasung afongba lupsinggi mayokta leptuna amadi leibakki apunba saktam ngakminnaba amasung ningkha tamba hanjinnaba apunbagi panggal sagatminnasi haiba wafam asi thamjari.

(Roben Khuman)
Deputy Secretary, Publicity
Revolutionary People’s Front

Date. 23-09-2022