Phaikot ki September 17 ki lan, Indian Terrorist Army gi namthak lan ni.

Chatliba tha September gi 17 Kamjong District manungda thabak chatpada district asigi Phaikot khun manakta hanna lumduna leiramba Indian terrorist Army 21 PARA Commando gi khutpu amana chattharakkhiba ambush amada People’s Liberation Army gi mamal yamlaba Lanmee ahum (3) adu landa adugi manung chankhibani. Marak asida Manipur gi print media kharada KNA(B)/KLA(B)/KNN(B) haiba yao, chingnaba kanglup amana chathakhibani haina fongnarakkhi. Print media singdi makhoigi mathou adu toujaba khaktani adubu, Indian Terrorist Army mayang lamlou lanmee singna makhoigi amuba lichatpu kupsinnaba hotnaduna lamdam asida khundaminnariba Kuki furup ka yengthinahanaba semjin sajinduna media khunaida pisinba aranba paoni haibasi kakningai leitraba wafamni.

Loi-sandokpa India na ifong-fongna Manipur gi furup singgi marakta singchep thanabagi pambei oiriba Suspension of Operation (SoO) bu lanlong gi pambei oina sijinnaduna Chin-Kuki kanglup ki khutlai paiba kayaga SoO gi mingda Manipur gi chinggi lamgi mafam kayada Designated Camp ni haiduna khutlai paiba lup sing asi fongna thamlaga masigi marumda aronba lanlong kaya chatharakli.

Aronba lanlong asigi manung channa tha asigi 17 gi lumfu-laandaa aduda Kuki khutlai paiba lup khara sijinabagi fivam leikhi. Maram aduna chatthakhiba laandaa adu official oihandana Indian Terrorist Army Mayang lamlou lanmee sing aduna pao adu media house singda youhanduna sandokhankhibani.

Myanmar amasung Manipur manungda ehou chathariba Kuki National Army haiba lup ama lei haibasi leipak anisigi ngamkhei paringda khundaribasingna henna kupna khangbata nattana leipak animakki meeyamna mamut tanna khangnaba wafamni. Furup ki ningtamba ngaknaba ehou chathaminaba masel oibanina KNA ga PLA ga pao faodoknaduna lakhibani. PLA na KNA da, KNA na PLA da khut thanaba manglamchatta leikhidri. Adubu handak KNA(B)/KLA(B)/KNN(Burma) haiba ama thoklaklibasidi Indian Terrorist Army singna sannaba Tamnalai/Bhoot thadokpani, asengba lup oina leiba natte.

Lamdam asida khunda leitaminaduna leiriba maru oina Chin-Kuki gi khutlai paiba lup singda ningsingjaba amana, chatliba chahi 2022 asimakki January 14 da Chandel District ki Khongtal khun mayada leiba PLA gi lansang amada landarakpa Indian Terrorist Army Mayang lamlou lanmee sing aduda eikhoi (PLA) na hathouba sing adugi manungda meeoi amadi Chin National Front (CNF) ki meeoini haina CNF na awaba fongdokpa thengnakhi. Handak chatharakliba laandaa asisu Kuki ni haiba ming sinjinarakliba asina Chin-Kuki gi meeoi kharabu PLA na changsiliba ningtam ehougi mayokta Indian Terrorist Army Mayang lamlou lanmee singna khutlai oina sijinnei haibagi mayek laraba khudam amani.

Lamdam asida khundaminariba kanglup-furup eikhoi pullap Indian loilam gi makhada, loilam potlum puminaribani haibasi ahanbada khangminaba haibasi yamnamak tangai fadabani.

Aduga loilam potlum puriba eikhoina loilam yotlhingdagi nanthoknaba ehou changsinba haibasina ahanba toudraba yadraba thoudang amani.

Aduga loi mapu singna eikhoibu namthanaba pambei oina napak-khaibung tahanba leingak (Divide & Rule) sanaduna eikhoi masel onsinnaduna khatna cheinahanba haibasi yamna chaoraba thousil oina chatharibani. Masigumba sing asi khangminaduna yeknabagi langda thudanaba cheksinminaba matam pumbada mathou tai haibasi khangminagadabani. Natrabadi eikhoi punna mangminnagani.