UNIVERSAL DECLARATION OF HUMAN RIGHTS NA CHAHI 76 SURAKPADA MANIPUR (KANGLEIPAK) TA MEEOIBAGI HAK, CorCom

Publicity Committee, Corcom, Press Release | Ref/No/PC-PR75/09/12/2024

United Nations General Assembly na Eng kumja 1948 gi December 10 da adopt toukhiba resolution A/RES/3/217A ‘Universal Declaration of Human Rights’ (UDHR) na chahi 76 suraktuna kumsi chahi 2024 gi oina “Our Rights, Our Future, Right Now” haina malem pumbada meeoibagi hak kanba numit – International Human Rights Day pak-sanna thouram pangthoknaba sem sanari. Numit asina lakpada, CorCom na WESEA lamdamgi furupchasing maru oina Manipur (Kangleipak) meeyamgi sagonnaraklaba meeoibagi hak kannabagidamak lanthengnariba, thawaina pontha oikhraba, katthokhraba ereichasinggi mafamda ekai khumnaba utchari.

Eng kumja 1948 gi December 10 da United Nations ki General Assembly da UDHR na leplabasu (adopt toukhrabasu) loi chanbagi machat chenba India na WESEA lamdamgi apikpa leibak singgi ningtamba amadi meeoibagi hak Eng kumja 1949 dagi khonggaonaduna lakli.

October 15, 1949 da India na Manipur (Kangleipak) ki ningkha tamba namfuda manghanbikhraba matungdagi, meeyamgi hak ngasi faoba khonggaonaduna leppa leitana meewot meenei chatthaduna lakli. Malemgi meeyamgi khwaidagi maru oiba haksinggi manungda meeoi kanglup amagi maning tamjanaba hak  asini haibasi ICCPR amasung ICESR gi Article 1 da  “Rights to Self-Determination” thamliba asina mayek senghalli. Manipur (Kangleipak) tasu loilamgi lemhoukhak muthatnaba meeyamgi ehou ngasisu makha chatthari. Hak asi mapung fana fangdriba faoba meeyamna khuya tusitna hingba oithokloi.

Meeoibadi pokpadagi ningtamlak-e, wakhal khanba ngamba amasung masagi aningba apamba fongdoktrabadi hingba ngamadaba thawai panbani. Meeoibana masagi aningba apamba fongdokchanaba hak UNDHR amasung ICCPR gi Article 19 da piri. Adubu Manipur (Kangleipak) tadi ngasi press tagi houraga meecham faobagi machin fibun namalaga thamli. Paomee faoba fa-punduna fibun namlaga thambagi thabak chatthari. Asengba achumba wafam amatta fongdokpa ngamhandana namthakki lang thaktuna meeyambu apangba siri. Masidagi nanthoknaba meeyamna hotnadrabadi hingbagi mahao leirakloi. Meeoiba amana masagi maramdam yaona atoppa mafamsingda ningtamna chatpa yabagi hak UDHR gi Article 13 da piriba adu Manipur (Kangleipak) tadi wahanthok leitre.
 

Furupki akhuba mityengda yumfam oihanduna masa-masa khaktagi oiba oijaba thihanba wakhallonda yelhoungeidagi nungsi channana leiminnaraklaba furupsinggi marakta India na singchep thaduna yelhou meeyam amata oina hingminnaba ngamdanaba leppa leitana hotnarakli. Asumna leppa naidana India na chattharakpa khutsem gi lan kayana ngasidi Manipur (Kangleipak) ki mafam kayada khundariba furup sing leng-otpa ngamdre, khun lanna chatpa ngamdre. Manipur (Kangleipak) ki mafam kayada concentration camp amagumna meeoi lakh kaya chatthokpa yahandana thamlakli. Asumna namsinduna India leingak amasung state ki hanglai leingakna meeoibagi hak amuk matpiri. Meeyambu meithakta thanggatlaga khangda ngouduna thamlaga makhoi, India leingak amasung magi khaobunai-state leingakna, meeyamgi awababudi karisu nachungdana makhoina kumhei oina yengli. Thabak sudana, sen tandana meeoibana hingba ngamde. Thabak sunabagi hak UDHR gi Article 23 da piriba adu Manipur (Kangleipak) tadi aremba tare.

India na lamdam asomda leiriba ningkha tambagi ehou, efurupchasingna ekai-khumnana hingnabagi hak kannabagi ehou asi leihanba pamde. South Asia amadi South East-Asia gi honglakliba geo-political gi fivamsinggi khudongchaba louduna India na mahakki lalon-etikki khudongchabakhakta mityeng thamduna changsillakpa khongthangda efurupchasinggi meeoibagi hak manghallakli.

Yelhoungeidagi nungsi channana leiminnaraklaba furupsinggi marakta India na singchep thajinba khakta nattana amuk WESEA wangmadagi lakpa Mercenary kharada India na khutlai oina sijinnaduna mahakki geo-political oiba pandam fangnaba hotnarakli. Masina efurupchasinggi meeoibagi hak temsingnarakpagi anouba machak amasu oirakpani. Asigumlaba India gi furup masel yengthinahannaba khujil thourangsing asi ereichasingna khangminnaba tangaifade. Yelhou furup ereichasinggi asengba yeknaba kanano masak khangna chatminnaba tangaifade. Ethnic homeland sembagi wakhallonda laichuhanduna eikhoi punna hingminnaba yadanaba, India gi khujil thouranggi langda thudanaba hotnaminnaba chang-e.

WESEA lamdamgi ningkha tamba hanjinnaba changsilliba ehou amadi meecham meeyamgi meeoibagi hak fangnaba houriba ehousing asibu India na mercenary sing sijinnaduna amadi tamthiraba law kayagi matengna leppa leitana namthanaba hotnaduna lakli. Armed Forces Special Powers Act, 1958 asina Colonial India gi sahing chaba masak adubu takli.

Maning tamna leijarakkhiba Manipur (Kangleipak) ki ngamkhei amadi furupchasinggi marakta tatna-thanaba yadraba nungsi-channana hingminnarakkhiba leepun-achetpa mari adubu India na makhal makha kayagi singchep thajinduna settok-khaidoknaba hotnaba leptri. Furupchasing amaga amaga onsinnahanduna Manipur (Kangleipak) ki apunbagi saktam thugainaba hotnarakli. Masi ningkha tamna hingningba Manipur (Kangleipak) khunnaibu muthatnaba thourangni amadi loilam leingak amana loi chansillaba meeyamda chatthaba Colonial Policy amani.

India gi Prime Minister Narendra Modi na Manipur (Kangleipak) ki meeyambu nungsinabagi maram leite, mahakna Manipur (Kangleipak) ki lambudi pammi.  Masigidamak India na aronba amasung afongba makhal kayagi lallong amasung lal chatthari. Manipur (Kangleipak) ki furup asibu matam chuppagi oina malemgi leimaidagi kangkhul muthatnaba hotnabada mamangda paktak meehat (massacre) amasung meebu faraga masa manghanba (involuntary or enforced disappearances) gi thoudok kaya thokkhre.

Chatliba chahi asigi UDHR ningsingbagi theme “Our Rights, Our Future, Right Now” asi Manipur (Kangleipak) ta chattharakliba India leingkki policy gi mityengda lamdam asigi yelhoumee meeyamgi tatna-thanaba yadraba hak ereicha pumbana nouhouna fangnanaba hotnaba mathou tarakli.

Ereichasing UDHR na sakkhanglaba hak kaya mapung fana fangnanaba loilam mapu India dagi ningkha tamba tangaifade. Maram asina ningtamba hanjinnaba lantheng amukka henna achetpa firep louminnabagi tangaifadaba oirakli haina CorCom na ereicha singda thamjari.

Kangla Date: 09-12-2024

Publicity Committee, Corcom

---