Lilong Gi Thoudok

Houkhiba date 01/01/2024 gi Lilong Chingjao thoudokki ahanba thigatpada fangba samlappa ahanba wafam/statement

Numit asigi numidang pung 7:30 thabak chatpa houkhi.

Md. Hassan gi yum hek youbaga Gate tu manunglomdagi lollambadagi gate thillaga thong hangnaba koukhi. Minute 5 muk hangdabadagi marup 1 na gate kaduna changlaga manunglomdagi gate hangduna yumda changkhi. Gypsy manakta marup khara leihouraga khara amana gate mayada leikhi, khara amana yumgi akoibada koisinkhi.

Yum manung changbaga Hassan gi nupiduda magi nupa (Hassan) hangkhi, magi nupina, makhoida thabak subagi leiba Mayang’duga Lilong bazar da chatkhre haibadagi marup singna yumgi ka sing changduna thikhi. Matamduda Hassan gi nupigi phone da call ama tourakhi, mee singdu changlakpra hanglakhi, Hassan gi nupina changlakle haibadagi marupsing na phone adu muthatlaga paisinkhi.

Hassan kadaida leikhi haina hangkhi. Yumdugi anisuba floor da room ani thong lonsillaga leirambadagi thong singdugi so Hassan gi nupida hangbada, so puthorak-u yadabadagi thong ama namduna hangdoklaga yengbada nupa macha ama leirammi. Nupamachaduda Hassan hangbada thong lonsillaga leiriba kaduda leibani haibadagi Hassan gi nupida hairaga manungdagi thong hangnaba haihankhi.

Kuina hanglaktabadagi, thongdu namduna hanglaga changbada, Hassan du bathroom da changlaga thong amuk lonsinduna leikhi. Tanlaktuda electric post khinglakpadagi mee mayam ama changsillaktuna gypsy leiriba lambida marupsinga laonarakhi. Langnnaringei aduda Hassan du bathroom dagi chongtharakpada, makhada leiba marupsing gi manakta tarakpadagi marup singna puthoknaba hotnaringeida sorokta leiriba meeyamduna makhutta chei, thang paiduna eikhoida masak taknaba hanglakhi.

Eikhoina PLA ni, Hassan du Kuki ga mannaraga drug lalonbagi wari saba lakpani thong lonsinkhibadagi langnabani haibadagi, makhoi mee 3/4 di wari fajana saba yai, makhoidu pusillaga yum manungda changminnaduna yengminnakhi.

Punna thoraklaga lakliba meeyamdu wari sanaraga problem si loisinsi hainaringei, mee mayam ama marupsingda onsillakhi. Tallaktuda marup ama nupa amana ngakthi chaplaga khutlai munnaba hotnarakhi, nupa amana amuk atoppa marup amada thangjouna yangadougi changsinlakpadagi nongmei kapkhi, khutlai munnaba hotnakhiba meeduga, thangna yange changlakhiba meeduga tukhi. Makha tarakpada mafam marang khangdana nongmei khara kapnarakhi. Khutlei thuna eikhoi handorakhi, eikhoina tonglakpa gypsy adu meeyamdugi makhut chankhi. Imung adudagi ahanba changbada loukhatpa phone ani mafam aduwaida thamlamkhi, atoppa pot-chei lourakpa amatta leite.