NARENDRA MODI GI MANIPUR (KANGLEIPAK) KHONGCHAT CORCOM NA BOYCOTT TOURE
PUBLICITY COMMITTEE, CORCOM
Ref/No/PC-PR-00/0/00/2025
NARENDRA MODI GI MANIPUR (KANGLEIPAK) KHONGCHAT CORCOM NA BOYCOTT TOURE
Chatliba 2025, September 13 da loi mapu India gi Prime Minister Narendra Modi na Manipur (Kangleipak) da lakkani hairiba khongchat asi lamdam asida ing tappa, chaokhatpa puraknaba natte, mahakki thousil amasung proxy war na kanglup masel nungsinahandaduna kangkhong chairaba lamdam asibu henna fivam sokhanduna makhoigi loilam mara chethannaba marou leiba khongchatni maram aduna Modi na lakkadaba numit asi ayuk 01:00 dagi mahakna iramdam asida leiriba matam faoba CorCom na boycott toubaga loinana Manipur (Kangleipak) pumba Total Shutdown laothokle. Athingba asina Ana Layeng, Meihou langpok, Esing amasung Asi-Ana gi thabak-thouram singdi konsilloi.
India leingak maru oina Narendra Modi amasung Amit Shah na Manipur (Kangleipak) ki apunbagi saktam thugainaba proxy war touduna meeoi 250 gi mathakta hattokpire, meeoi lising 60 henna mama poknafam lamdammaktada refugee oihalle. May 3, 2023 dagi houba khutsemgi kanglupki irang chahi aniga tha 4 hellabasi kumhei oina yengduna leiri. Masigi maramdi makhoina sem saduna thok-hanba hatna-sunaba oibanani. India leingakna Manipur (Kangleipak) mutthatnabagi pandamda Gwaltabi da India gi lanmeena Manipur (Kangleipak) thaba wahei mutthatkhibani. Manipur(Kangleipak) ki meeyamna khamthengna warabasu Narendra Modi na Manipur (Kangleipak) gi matangda wa amafaoba ngangdana tuminna leithokpa ngammi. Kumja 2023 gi July thada nupi ani fi thongdana chatkhiba adudadi Meetei da cheiningbadu cheihourage matagum India apumba khangnaba mathou pongna ngangkhi, laokhi. Adubu Jiribam gi nouriba angang amadi nupi yaona meeoi 6 meenungsi yaodana makhut challaba matungda ot-neiraga hatpikhiba adudadi marol thoktaba India gi Prime Minister ama oina Narendra Modi tuminna leisinkhi. Masa thiba khangdrabasing tharaga handak Manipur da meeoi 300 rom hatkhribasisu mahakki matamdani. Masagi heinabini, pokpadagi yaoraktrabasu Hindu Extremist group ta laiming loukhibagi hounabini. Amit Shah su chap mannei. Makhoi anisi Hindu Extremism gi yetka oiga pambomni.
Irang manungda mayang bandit koklen- India gi Prime Minister Manipur da lakkani lakloi ngangnakhibaduda wakhal taraba, mahakki maramchat khanglaba lamdamsigi meeyamna haikhiba, mana hatnahallaga kari amuk haiba lakkadouribano haibadu achumbani. Icham chamjaba Ema ebennadi Modi lakninglaga lak-u, lakningdraga tok-u, nagun khangle haikhi. Toubatabu khangbada kannaribadi Manipur (Kangleipak) ti Delhi gi loilamni haibasidi mayek senglabani. Vote khombagidi 2017 amasung 2022 gi February da anirak lakkhre. Adubu meeyam ware, lakpiyu haina hanna hanna haijakhiba mahakki khutsemgi lan manungdagi houjik faoba laktri. Chahisigi June 12 da Ahmedabad ta Air India plane kaibada meesi-meenagi awaba thoudoksing amadi Bengaluru gi IPL Cricket thoibagi okpa thouramnachingba awa nungaibagi thouramsingda mahakna saruk yaduna selgi tengbang faoba pikhi.
2023 gi May 3 dagi houjik faobada Modi na mapan leibak 50 gi mayada aduga India manungdana tongan tonganba state singi mafam 40 gi mathakta chatkhre. Adubu Manipur (Kangleipak) tadi houjik faoba laktri. Mahakpu lakhanningbagi natte. Laklabasu boycott tougani. Boycott touribasi mahaksi Manipur (Kangleipak) pu loi challiba loi mapu India gi makokni haibadu meeyamda khanghannabani.
India gi leingakna pamlibasi India gi loilamgi mayokta Manipur (Kangleipak) meeyamna thengnariba ningtam lan asi namthaba loidrifao proxy war tougani, ngamdragana Manipur bu machet machet thugaigani haiba fireptuni. Adunabu Manipur (Kangleipak) ki awabada tho- wa sadribani.
Manipur (Kangleipak) ki waraba thoudoksing asidadi tatki pi (crocodile tear) faoba taba ngamde. Masi Manipur (Kangleipak) machasingbu khamthengna usittaba mityeng amasung wakhalni. Touribasi henmallabani. Makhoigi aningba apamba pangthoknaba hotnabada AFSPA gi jurisdiction henna henna chaothorakli. Meeyamna lou uba changba yadre, amaromdana mineral mayam louthoknaba kanna hotnari. Ningtam ihou lup manghannaba hotnari, leppa leitana fa-punba touri. Loi leingak yadaba kangbugina khutlai taktuna louthokli, aduga makhoina proxy army oina sijinnariba kangbugina fa- punba toudri. Loi mapugi lichatni, loi leingak sangdoknaba hotnabani. India na fana yamna namthak tourabasu meeyamna makhoibu loi mapuni khangbasina ningtam ihousigi atangba mamal naidraba parani.
Henna nungaitribadi mama poknafam lamdam maktada refugee (seidangba) oina lanjennariba meewoi lising 60 gi maraktagi anganba tunglamchat ama uba fanglaktraba angang yaona meeoi kaya masa matomta thouri yanduna sijari. Masida nattana meeoi kaya wakhal choiba oirakli.
Narendra Modi lakkani hairibasi chahi 3 farakkadouraba irang nattraga wathok asigi waroisin puraknaba lambi yatkadouribra, mayum makei leitraba lanjennaduna leiriba IDP singgi awaba kokhannaba yengsillamgadouribra, mamangda leiramba Congress leingak matamda capital project ki makhada sagatlamba civil secretariat building sangabagira nattraga state asida BJP na luchingba anouba leingak ama semnabagira haibasi meeyamna khangningi.
Malemda ing tappa puraknabagidamak Israel-Palestine gi muknaba amasung Russia Ukraine gi lan asidadi leibaksing asigi luchingbasing unaduna santainaba hotnari. Adubu India gi lamni haina claim touriba Manipur gi wathok asidadi nongmata faoba laktana ningaidana leithokli. Houkhiba chahi 3 farakkadouraba asida Manipur (Kangleipak) ta leiriba charangnaba asiga mari leinana Manipur (Kangleipak) ki MLA singna Modi ga amuktang unajage haibada unaba fangkhidrabani.
Mahakki waheida lanjennaribasing economic package, economic booster gumba wafam khara pallakpa yai. Mahakna ngangba yaba wafam thibada DELHI amasung Manipur (Kangleipak) gi luchingbasing makok ngaoramgani. Churachandpur amasung Imphal da karam karamba wafam thamgadouri. Chap mannana nattraga tongan tonganba wafam oihan-gadra haibasi khallubada aruba ama oiramgani. Karigumba mahakna Manipur (Kangleipak) da lakpa thoklabadi Imphal da pangthokpa meefamdana karamba wafam thamgadouribano, maduga chap mannana Churachandpur da thamba ngamgadouribra, Manipur (Kangleipak) kaihalloi, ani thokpa yaroi haiba wafamsi Churachandpur da laoba ngamgadouribra? Tampakta law chatnarabasu chingdadi rule of law leikhidaba kuire- masigi matangdadi kari haigadouri? Asigumba fivamsida Narendra Modina marai haigatna Manipur (Kangleipak) meeyama karamba wafam thamba ngamgadouribano haibasi ihangda hangba yari.
2014 November 30 gi Modi gi Manipur (Kangleipak) khong chat adusu Manipur (Kangleipak) gi oinadi mang takningai oiba khudam (bad omen) gi masakni haina fongdokkhi. Modi na masagi furup-lainingtabu khanba, atoppa furup nattraga lainingbuna thouwoi-usittaba utpada nattana meehat thina hathanba mahakki sajat-lichat asinani matam adugi Modi gi khongchat asi mang takningai oiba khudam (bad omen) ni haikhriba adu. Asigumba saramchat chatpa Modi na Manipur (Kangleipak) ta laklabadi leikha tana awa-cheitheng nanggani haibani. CorCom na thamkhiba wafam adu Manipur (Kangleipak) tadi chumle. Modi laklamba aduna ngasidi Manipur (Kangleipak) ta yelhoungeidagi khudaminnaraklaba furupsinggi marakta yengthinanaba hu kamsinduna hatnahalle, laininggi mingda sambal khajille. Masida pendraduna Manipur (Kangleipak) asi machet kaya thokna thugainaba amuksu sille. Handak 2025 gi September 13 da Modi na Manipur (Kangleipak) da lakliba asi Manipur (Kangleipak) ki ereichasingbu nungsiduna lakpa natte. Furup masel yengthinahanduna tap tana hatnahallaba matungda amuk hanna furup masel tinnaba yararoidabanina Manipur (Kangleipak) asi machet tana thugairage, furupsinggi yengthinabada khudongchaba louraga machet-machet thugairage haina khanbagi Manipur (Kangleipak) thugaiba laklibani.
“Manipur (Kangleipak) da meesi-meena kaya nangduna thammoi sokna awaba nangliba asigi namungbagi tekchakti Modi amasung BJP na pufam thok-e. Maram asina Modi amasung BJP norokta (hell) da tagadabani, Modi Go to Hell”
Houjikti mangba yaba mangle. Mahak lakpagi kannaba leitre. Eikhoina khanggadabadi mahakna lakkadouriba asi eikhoigi yaifanaba amadi leiriba muknaba asi loisinnaba natte. Henna cheksinningai oiribadi mahakki khongchat asina hannana Delhi Bandit na ningthina sem saraga thokhankhiba May 3, 2023 gi thoudok asi karamna makha sangthannaba hotnaribage amasung thoudok asidagi henna sathiba anouba karamba yeikhai thugaibagi thourang amamuk sillibage haibadu meekup nahum singna sennabani. Lamdamsida hingminnariba eikhoi pumnamakna punna khangminnagadabadi wathok pumnamak Delhi na thokhanbani, aduna wathok khudingmakki waroisin lamdamsida khundaminnariba eikhoikhaktana purakkadabani, Delhi nadi keidounungda toubiroirakloi haibasini.
Maram aduna asigumlaba Manipur (Kangleipak) pu manghan takhanbada luchingliba India gi Prime Minister Narendra Modi gi khongchat asi eikhoigi meeyamna sougatfam thokte. Iramdam meeyam hupna asigumba eikhoigi yeknaba oiriba Modi gi khongchat asi boycott touminnarasi haina CorCom na meeyamda thamjari.
Kangla/ Dated.
The 13th December, 2025.
PUBLICITY COMMITTEE, CORCOM.
Official file 👉 CorCom PR-Modi Boycott_10 Sep 2025(1)