CONDOLENCE | Ekaikhumnaba Uttuna Awaba Fongdokpa

Press Release | PR No.23014 Date: 2023-12-07

Engkumja 2023 gi December 4, Ningthoukaba numitki ayuk pung mapal makhai (09:30) rom taba matamda Tengnoupal district ki Leithao amasung Moltham khun anigi marakta, RPF na changsilliba ningtam yawol ihou asibu masagi toufadraba thoudangni khanna saruk yanaba amadi PLA ama oinaba training gidamak lakpa khutlai paidaba anouba marup singgi manungda athouba marup tarahumdoi,

1. Konjengbam Meghabanta Meetei (47), apokpa K. Bimolchandra, Sagolband Nepra
   Menjor,
2. Ningthoujam Tomba Meetei(24)apokpa N. Shyam , Kumbi Salam Konjil Part – 2,
3. Oinam Loken Meetei (43) apokpa leikhidraba O. Shyamkeshor Meetei,Sagolband Nepra
   Menjor Leikai,
4. Thingam Rocky Meetei(25), apokpa Th. Tomba,Torbung Bazar Mamang Leikai,
5. Chingakham Nethei @ Roshan Meetei(17), apokpa Ch. Surchandra, Andro Tarungthel,
6. Phanjoubam Noren @ Leibakngakpa Meetei(17) apokpa Ph. Dhanachandra ,Andro
   Tarungthel,
7. Mayengbam Rosan Meetei (25), apokpa M. Thoiba,Wangbal Lamboithong,
8. Moirangthem Kingson Meetei (39), apokpa M. King Kong, Khurai Puthiba Leikai,
9. Chongtham Lamdainganba @ Chingu @ Ibungo Meetei(23), apokpa Ch. Manihar
   Meetei,Sabungkhok Khunou Awang Leikai,
10. Sougaijam Krisnakanta Meetei(20), apokpa S. Surchan Meetei,Kakching Turel Wangma
    Ningthem Pareng Leikai,
11. Meisnam Sanajaoba (22) apokpa M. Shyamkanhai Meetei,Yairipok Kak Mayai Leikai,
12. Pheiroijam Malemganba(18) apokpa Ph. Manglem, Irengban Hawailou Laimaya,`
13. Laishram Arun @ Sanathoi 17, apokpa L. Ibohal,Khoidum Makha Leikai,

Marup sing asi India gi security force amadi makhoina semgattuna thamba Kuki Mercenary gi makhutta thawaina pontha pikhre.

Marup tarahumdoi asina Ima leibakkidamak thawaina pontha pikhiba asida RPF na yawolgi ikai khumnaba utchari. Leikhidraba athouba tarahumdoi asi India gi khutsemna namduna oihallakpa Manipur da thokliba kanglupki lan asida khun-ngakpa oina saruk yajarambadagi India leingakna silliba kanglup masel yengthinabagi lallong asi yaningdaduna amasung maning tamba Manipur ama oidriba makhei tangdu leitana hingba ngamlaroi haibagidamak PLA da yaorakpa marup singni.

Manipur meeyamna changsiliba ireibak ningtambagi lantheng asida saruk yajaba lakpa khutlai paidaba mareibak ningba athouba tarahumdoi asibu India gi security force amadi makhoina sel, khutlai amadi leifamnachingba makhal khudinggi mateng piraga yokkhattuna thamba Kuki Mercenary gi apunba khutpuna makhut challaba matungda hakchanggi saruksing faoba sokhanduna tamthina ot-neiraba matungda yamna pangdaba mawongda meewoibagi meenungsi machet amafaoba uttana hatkhiba adu meewoibagi lichat natte, Terrorism gi khamthengba thabakni amasung 1949 gi Geneva Convention gi Common Article 3 amasung Additional Protocols bu ngakna chatkani haina 1997 da Geneva da khuyek pikhraba amasung ngaknasu chatliba RPF na yeknaba khuppugi fajadraba numit asigi thoudou asi International Court of Justice (ICJ) na cheirak piba yaraba WAR CRIME ni haina lou-e amadi Condemn touwi.

India leingakna Kuki Mercenary singbu makhoiga wari sanaba yadaba atoppa lalhou lupsinggi mathakta khutlai oina sijinnaduna Proxy War chatthahalli. 1980s gi matamda Kuki Boys Commando semgattuna Naga gi ningtamlan thengnahalli. Masina maram oiduna 1993 gi Kuki-Naga gi lanjao ama thokhankhi. Kuki gi lup semgattuna Kuki Homeland demand touhalli. Masina  maram oiduna Kuki – Naga, Kuki – Paite, Kuki – Hmar singgi marakta hatnahankhre. Houjikna Kuki amasung Meetei anigi marakta kanglupki lan thokhalle. India leingakna asigumlaba malemgi thakta yadaba insinduna thokhalliba Proxy War gi thabaksing amadi masida chennariba meeoising meeyam hupna Condemn toufam thok-e amasung International Criminal Court ki matung inna cheirak pinaba wakatfamsu thok-e.

Amaromda, Leithaogi meehat asi India na makhoigi achouba mai pakpani haina khanjarabasu, afongba landa Manipur gi ningtam lanmeesingbu maithiba piba ngamdraga Principle amasung Discipline yaodaba Kuki Mercenary singbu sijinnaraga Proxy War ama toure haibasidi malemgi meeyamna mayek sengna khangle. Masina UN Security Council gi Permanent Member ama oinaba ikai iki khangdana hotnariba India bu malemgi mangda ikai firuk khumhallagani amasung UN Security Council gi permanent member oibagi manglan adu mangfaonadana toklagani.

Meeyamgi mitki pi Delhi loi mapuna ubiba hounade. Eikhoitana teithoknaba hotnajabani. Eikhoidi handakta mitki pi isagi eekhengga loinana tabani. Manipur Imana tariba mitki pisidi kuire? Adunani poknafam nungsibi Ima nanggidamak 100 rak sirasu pelloi hainaribasi. Loi mapu India gidi kanglup amada tongsillaga kanglup amabu tumnaba hatpa-genocide amasung ethnic cleansing touhannaba lallong leptana silli- matungdasu sillakkhini. Masibu singnaduna ireibakki chiraba tanjasida ireibak ningtamdaba yade haiduna thouna fana lanthengnariba pumnamak imagi asengba fijigi lanni. Makhoida tanglaba mareibakkidamak lanthengnaba, thawai faoba katthokpa ngambagi thouna Ipa- Ipuna ningtamba amasung masadagi chentharakpa eekhengna yatlamba ngamkheidu ngasi India amasung loutunariba kanglupna mutthatnaba hotnabadu amuk masagi eekhengna yeksillibani. Ee-na yeklamba ngamkheidi ee-na adum yekkadabani. Masi khangba naha kaya mathi fongdana lei haibasi loi mapu amasung mahakki achanba huiroi mayamna khanggadabani.

Loi mapu India na ngasi iramdam Manipur machet machet tanaba hotnaba leptri. Kanglup kanglupki lam yenthokpiri. Kanglup amaga kanglup amaga khut thoknahanduna leibak asibu maru fangna mutthatnaba hotnari. Makhoina hatlabadi malemgi meeyam amasung malemgi wayel pathap kibadagi eikhoi masel hatnahallaga makhoina asibagi masing numit khudinggi thiri. Apangba furupna khaobunai oiri. Masi loi mapugi Chanakya gi chatna-lonchatni. Adubu thengnaba leptabana henjinba ngamdribani. Lantheng asisu meeyamgi matengna thengnaba ngambani. Mama kayagi tangkhraba fijigi lan oiriba machasingbu Ima leibak kannaba lan chatlu haina ayaba piriba Ima nakhoi mayamgi laman RPF na kaojade. Kumja 1891 Khongjom gi lanfamdu British ki mayokta hengnakhibani. Bomb top maraktuda nouriba Sengoisana kaya lan chatlu haiduna yathang pikhiba mamadugumba ngaktani ngasigi Imasingsu. Imasingna takpiba ningtambagi landi punna thengnagadabani haibadu kaofam thokte. Punna thengnanaba sem sagadabani. Leptana hotnagadabani. Masini meeyamgi lan. Vietnamese meeyamgi landa mapanggal leire haina napalna haraba US lanmeegi koo kaya New York ta honkhi. Handakki Manipur gi ihousisu meeyamgi lan ni. Wakhal taraba Manipur gi kanglup-furup khaidaba meeyamdi India na chatthaba Proxy War ni haibasi khangbanina masa ngakthokchaba nattana keidounungda meecham kanglup amatada landaba (Offensive) toude amasung tourude. Meecham faba yaorabasu mafam chana thawai kanbiduna mafam chana sinnabi. Adubu khutlai paidaba kanglup ki lan yaodaba RPF ki anouba marup tarahumdoi adudi makhut challaba matungda hattopi.

RPF na meeyamga pullaga ningtam lanthengnakhini. Leppa leitana thengnakhini. Lanbungni aka- akum leifam thok-i. Adubu ningtambagi wakhallonna mara takhraba meeyamda leptana lanthengnabadi soifadraba thabakni. Eikhoi kiduna amaga amaga hunnaba matam natte. Adu oirabadi kananano Manipur Imagi mitki pi teithokpigadaba? RPF na nungsibi Ima Manipur gi chinglon mapanna piba lepkhraba firep hongdaba tamjei; Loktak patna piba khangba kanba amasung katthokpa tamjei; turel mayamna maikei fangna fangna chellaklasu kainathangda achouba ipak- irelda tinbagum apunbagi saktam kaojade. Mareibak ningba athouba yawolloisingna ireibakki ningtamba kannaba katkhiba ee-gi mamal lemna khak mangloi. Imasinggi mittagi sinthariba pigi mamal RPF na khangjei, lemna khak manghalloi. Imasinggi mitki pi ura uraga ningtam lanmeesingda ireibak kanningbagi ihul wangkhat-halli, panggal thouna henna happi. Masi yeknaba mayoknabada sida hidakni. Nongmadi mitki piga iroinana momon meenoksu tamlakkhini.

Ireibak ningtambagi lanjang asida thawai pammuba yawolloi kanasu leite. India gi lamlou lanmeesingna eikhoigi ningtam lanmee amasung meeyam kaya yamna hatpa ngamgadage? Makhoidi siroidra? Lamlou lanmeesingdi khutsumalgidamak lakpani. Eikhoidi Imagi meenai yotling thadatnaba lanthengnabani. Mangkhraba ningtamba hanjindrifaoba leptana lanthengnakhini. Adunabu marup mayam hayenggidamak chatkhibani.

Aka akum naiba yawol ihouda eikhoigi ningtambagi ihou asi ngasidi meeyam punna saruk yaminnaduna maipaknabagi anouba maiwon amada lakpa houre. Handak 2023 May 3 dagi thorakliba thoudoksing asida India gi leingakpasing amasung makhoigi lamlou lanmeesingna touthorakliba thabaksing asi uraga India di Manipur amasung Manipur meeyam nungsiba natte, iramdamgi yelhoumeesing tumna manghallaga lamdamsi mapung faba India onthoknaba hotnabani amadi ireibakki ningtamba kanba haibasi ireichasinggi khutta leire, India nadi eikhoibu ngak senbagi thabak toubidre haibasi meeyamna mayek sengna khangle. Mathanungda chetna konjaduna numit- thagum yengduna leijariba machasingbu lanfamda thadoraktuna machasingna lanfamda thawai thakhibada mama oibisingna Ima leibakkidamak khanduna pammuba leiraktre. Mama oibi kayana nongju- nungsa amasung ningthamgi ulen mayoknaduna lanfamda mayoknaraklaba asigumba tangkak youraklaba ningtambagi ihou asina kayam kuina panthung youdana leikhigadage?

India gi thousildi lamdamsigi kanglup maselgi marakta amadagi amada tongsillaga Manipur bu tumna manghanbani, aduga meeyam punsinnaduna eikhoigi singlida-ee marik ama chellimakhei makhoigi thousil asibu maithiba piduna ireibakpu kanba haibasna RPF ki lengdraba firepni.

Marup tarahumdoi asi pukchel sengba, thaksi-khasi fajaba, Ima leibak, meeyam amasung Party bu thamoi sengna ningjaba amadi maning makha tamna hingba pamjaba thouna faba marup singni. Marup tarahumdoi asina ima leibakkidamak thawai katkhiba asibu ikai khumnaba utpagi thouram [Condolence] Unit, Dept. amasung Station khudingmakta pangthokkhare. Loinana leikhidraba marup asigi imung manung, sagei natei, marup mapija singgi awabadasu RPF amasung masigi lanmee sanglup PLA na saruk yajari.

Roben Khuman

---

Official File