OPERATION: LANG-OL LOISINBA
REVOLUTIONARY PEOPLE’S FRONT
PRESS RELEASE | PR No.25015 Date: 2025-12-11
WeSEA (Western Southeast Asia) da pokpa mapung oina Manipur da pokpa eikhoigi meeyam asi RPF na yeknaba oina loude. Kanagumba ereicha kharana yeknaba India na thakliba kanglup-furup nungsinadanabagi namthak lang asida thururabasu nongmadi soidana wakhal taraktuna Yeknaba India bu tathirakkani amasung mamittagi mapi taba makhei kaptuna langjaruba maral sing koknaba hotnnarakkhigani haina eikhoina khalli. Adubu India di eikhoigi amata ngairaba yeknabani, India nasu eikhoi asi asukki matik tathina khalli loinana Manipur gi ming amasung Manipur gi meeyam asi malem asidagi muthatkhige haina khanbaga loinana India na Manipur hek lousinkhibadagi ngasi faoba fattraba khujil-thourang kaya paikhatli. Fattraba khujil-thourang asigi manungda Manipur da khundaminnariba kanglup-furup singgi marakta fattraba singchep thajinba, masel hattoknahanba sing asisu amani. Kuki-Meetei-Naga nungsinahandriba, hatnahalliba asi India gi fattraba khujil-thourang asigi maheini. Asumna Manipur da khundariba meeyam asi muknarabadi Manipur amadi WeSEA gi ningtam ehou asisu maithiba piba ngamlagani hainasu India na thajei. Kanglup masel hatnahallingei tallak asida Indian Army Special Forces singna eikhoi yaolloi sing asisu tumna mangnaba haiduna afaba makhal gi Drone – mR 10, mR 20, TATA-ALS 50, WARMATE asina chingba sing asi dagi Thermobaric Weapon yaona Bomb kaya thadarakkhi, India na loiba saroi-ngaraoi kayasu makhoina ensunduna eikhoi gi leifamda landahankhi. Adubu ngasi faobadi eikhoibu maithiba piba ngamdri.
Engkumja 1978 da PLA hek lingkhat- khibadagi ngasi faobada leiriba lengdraba amasung senglaba pandam asidi eikhoibu loi challiba India bu maithiba piba amasung eikhoigi eramdam asidagi tanthokkhiba asini. Matam khara kanglup ki erangna Manipur asi kang-khong chairabasu RPF ki ningtam ehou di hongba leite, Ningtamba fangdriba faoba ningtamlal toukhigani.
RPF ki pandam asigi matung enna, PLA gi thoudang ama oina WeSEA lamdam asida yeknaba India bu maiyoknaminnariba yawollup sing punna lanthengminnaba amasung apunbagi panggal sagatminnaba haiba mannaba wakhal mityeng makhada NSCN (K-YA) amasung ULFA (I) pullaga lalgi thourang ama loukhatkhi. NSCN (K-YA) gi Military Operation ama mai pakna pangthokpa ngamkhi loinana ULFA (I) gi OPERATION: VENGEANCE mai pakna changsinkhi. PLA gisu Engkumja 2025 ki September 10 dagi December 10 faobagi OPERATION: LANG-OL (MANIFESTATION) hangkhi.
PLA gi Operation asida yeknabagi mathakta chatthakhiba lanfam singgi manungda September 19 da 33rd AR amasung November 28 ta 3rd AR gi camp da maipakna landakhi loinana yeknabagi maikeida asiba-asokpa kaya nanghanba ngamkhi. Adubu ngasifaobada chattharakliba senglaba PLA gi Military Operation sing asi ekaikhangdraba yeknaba India na eikhoibu maiyoknaba ngamdraga Media singda lanna paothoknaba hotnari adubu meeyamna di tabide, mawa loubide, “India gi maithiraba Propaganda haibadu oire”.
Operation asida saruk yakhiba Meeyamgi Ningtam Lanmee PLA gi marupsing maipakna mathou pangthokpa ngamkhibaga loinana asoi-angam amata yaodana masa masagi lan-sang da thunglare. OPERATION: LANG-OL da saruk yakhiba PLA gi marupsing khudingmakpu thagatpaga loinana operation asibu wakhal amadi thabakta mateng pangbirakkhiba lupsing amasung meeyam pumnamakpu RPF gi maikeidagi thagatpa fongdokchari.
Official File: RPF PR – 25015