INDIA NA THAKPA LANG IREICHA SINGNA KHANGMINNARASI-CorCom

Press Release | Ref/No/PC-PR59-Dt.12/05/2023
Chatliba May thagi 3 dagi houraga ngasi faobada Manipur (Kangleipak) da thokliba pamdaba thoudoksing asi eikhoigi ireichasingna India na thakpa eikhoi masel nungsinahandanabagi sarou langda thuruba amadi madubu ireichasingna matam chana mangjounana sak khangba ngamhoudabadagini. Karigumba ireichasingna India na thakpa lang asi mangjounana khanghouramlabadi asigumba amang ata kaya asi thoklamloi. Matam sangna loimee oihanduna sudat neihatpiraba chamjaraba ireichasingbu kanglup masel muknabagi langda thuhanduna amuk hanjinba waragadaba lanjadraba mamal yamlaba thawai kaya manghalliba, meeoi kaya asok apan nanghalliba, yum-kei, lan-thum kaya manghalliba asigi tekchak pumnamak kanglupki irang sagattuna amang ata kaya thokhankhiba India leingakna pugadabani.
Handakki thoudok asi karigumba India na sinba oiramdraba, nattraga makhoina thokhanba pamlamdrabadi matam chana thinglamba yabani. Adubu India na madu toukhide. India amasung Manipur (Kangleipak) leingakna civil police, police commando, para military amasung military nachingba leingakki areiba matik mangam amasung machak mathum pumnamak sijinnaduna ireibakki ningtamba hanjinnabagi ihou asibu ngamjabi thakta namthanaba hotnari. Adubu eikhoigi tongan tonganba community singgi marakta thokpa wakhal tanahoudaba thoudokna oihallakpa meeoibagi punsi mangningai oiba thoudoksingdadi karisu nachungdana tuminna famlaga kumhei oina yengduna leithokkhi. Meeoi kayagi punsi manghallaba amasung amang ata kaya thokhallaba matungda houjik chatthariba thouwong asidi malemgi meeyamgi mangda toudaba yadaduna ‘ikai khangdagi kang kotpa’, ‘huranba matung meiringba’ nattraga ‘houdong bhakti yong seba’ haibaduni.
Leibak amagi ningtam ihougi panggal amasung mangam asi apunba meeyamni loinana yelhoumee namthaba amasung meeyamgi ihou asi muthatnabagi araiba pambeidi kanglup masel amaga amaga nungsinahandabani haibasi India na munna khang-i. Aduna ireibakki ningtam ihou asibu namthanaba India na kanglup maselgi lal thokhalli. Loi mapuna thamaikhibadagi kanglup macha kayana apunba meeyamgi ihou asibu masak khangba ngamjadaduna makhoigi kanglupkhaktabu ngakthokchanaba ethnic army semgatli.
Masigi mahei oina kanglup masel nungsinahandanaba amana amagi interest soknaba demand tounaba amasung madubu yaningdaba uttuna inaba ngangnaba, puwari mathak makha onthokpa, madudagi henjillaktuna hatna sunabanachingba thokhalli. Masibu antagonistic theory da principal antagonistic contradiction dagi non-principal antagonistic contradiction onthokpa haina khangnari. Masina maram oiduna eikhoi masel identity gi issue sagatnei, lam amasung senmitlonda munnei.
Ihou amada meeyambu chingsinba haibasi araibadi natte. Adubu identity issue lakpadadi meeyam hupna hekta yaorakkani. Adum oinamak, Manipur (Kangleipak) gi oiba wafamdadi araiba natte. Maramdi lamdam asida khundariba Naga, Kuki, Meetei Pangal amasung Meeteigi apunbasi Manipur (Kangleipak)i haiba identity du sagatpa loiraga India gi meeyamdagi apunba identity ama kannaba hotnabagi lambida laktabadagi, magi magi kanglupki oina hanna sagatkhibana achouba muknaba ama tholakkhi. Naga nattaba, Kuki su nattaba mayam ama, Naga-Kuki koubada yajaduna chingda Nagaisation-Kukisation toukhre. British na thonba maming anisi makhoigi identity oikhre. Mayangna thollamba Manipur di Meetei khaktanggi oiduna leihoubagum touri. Mamangda leiramba luchingba sabasingna masi uhoudabana India gi akhang-aheina laina thugaiba amasung kanglup masel nungsinahandanaba hotnaba identity gi politics ta ethnic nationalism gi wakhallon lakhankhi. Ihougi luchingba amasung meeyamna mangjounana khu-u selhoudrabadi lang asida ayambana thunei.
India na chattharakliba kanglup masel nungsinahandanabagi khongthang asida mai pakpa ngamkhribasi lamdamsigi tongan tonganba khutlai paiba amasung paidaba lupsingda makhoina semba meeoi kaya yaosillaktuna thabak touba yaoraklabara haibasi neinaba yaba wafam oirakli. India na sumduna makhoigi haigatlangda thukhraba meeoi nattraga kanglupna identity hairaga lanna lounaribasi magi magi lol, nat, chatnabi amasung makhoina leinariba lamnachingba kannaba hotnabani. Masigidamak nakhei sengba pamnaduna demand kaya tounarakli. Hairiba demand sing asi kanglup amanadi pamba, adubu kanglup amadadi kaiba kayasu yaori. Masina muknabagi hourakfamni, muknaba asi asum asum chaothoraktuna mameidadi khut thoknaba haibadu oirak-i. Khut thoknaduna meesi-meena yaoragadi laman khumnaba haibadu kanglup kanglupki kokta yaoduna leiragani. Masi youkhrabadi anabadu yamna henjinkhrabani. Hairibasi WESEA lamdamda thokkhidaba yaokhidrabani. India na thajillakpa lupki luchingba ayamba khatnasi-funasi, chang yengthoknasi asida haigani. Amaga amaga nungsinadanaba demand kaya amasu India na taotharakpa yathangdu thabak oina pangthoknaba kanna hotnarakkani. Munna khanthahoudrabadi meeyamsu masida chummi khan-gani, saruk yasin-gani. Manipur (Kangleipak) nationalism puraknaba hotnariba kangbuna masi yaroi, channa chinnanaba hotnagani. Khanthadaba meeoi kharanadi makhoibu pangdaba, apangba oina ugani. Tasengna asengba achumba masak khanglibadi makhoini.
Manipur (Kangleipak)gi apunba saktamgi khanna neinabada maru oiba wafam aniga sagonnaraga chatli. Madudi apunba Manipur (Kangleipak)gi ngamkhei kaidaba amasung Manipur (Kangleipak) meeyamgi kanglup khudingna nungsi channana leibabu kaihandanaba hotnaba. Wafam ani asigi manungda amada cheitheng pirakpa matamda integrity amasung unity da akaiba pire haibasi masana tabani.
Loilamgi wahanthokta lam haibasi sel oina amasung makhoigi sendal lambida sijinnaba yaba icham chamba commodity/pot ama oina lou-i. Yelhoumeesinggidi poknafam lamdam asi imani-ipani. Iramdamgi tampak, chingjao, chelliba turel, lengdana leiriba pat, houriba upal wapal pumnamak ahingba wari amamamga sagonnaba imung manunggi ichil inaoni. Sangkhraba chahi kaya asida meepal tangdana makhoidagi fangba kannabaduna pukchak thaklak-i.
Asigumba punsirol kayagi maru hunduna laklaba kanglup amatana ima leibakpu machet machet setpa hounade, setkesu khalloi. Khallabadi makhoidu meetopni. Meetopna, yumdangbana keinaba haiba wafamdu laklabadi madubu ngakthoknaba makhal khudingmakki upai sijinnaduna thengnaba tabani. Asigumba poram kaya leptana yatliba India dagi henna kanba loi mapu British faoba Kangla sa mamangda mangak kenkhibani. Singnaba khudingda ching tam meeyamna thengnaduna lakpani. British oigera, India gi anouba loilamgi lalong oigera adum thengnaduna ngasi faoba lakli. Masi ngasigi ching tamgi meerolda meeoi kharana kaorabasu, soidana nongma ningsinglakkhigani. Ningsingnabasu leploidabani.
Kanglup kayana punna khundaduna leiminnariba lam amada, kanglup amakhakka mari leinaba ihou touba yade. Laining lambi amakhaktada yumfam ama oiba yaroi. Kanglup amana kanglup amagi meeoi hatna sunaba yade. Maramdi LTTE mutthatkhibadu supnatagi aranba thoudou ahumnani. Madudi kanglup amakhaktagi ihou touba, laining lambida meechang meekhai naiba, mathong maram khangdana mee panghatta hatpagini. Wafam asi thoktanaba apunba puraknaba hotnabada punjaroi haiba kangbugi wakatsu taba tai. Meecheisu khangba tai. Mannadaba wafam kaya lakpadasu neinaba tai, maramdi decent views khudingmakki positive contention oithokpa yaba wafam leite haiba yade. Unity amasung integrity puraknaba hotnabada hotnariba maikeiromda criticism kaya lakpa mathou tai. Hairiba criticism aduda punna thengnaduna purakpa yaba warol kaya punsinba pamba kangbugi mayokta leptana thamlakpa yade khalloidabani. Masisu dialectics process amani haina lousi. Chinggi ichin inaosingna, Meetei na matam ama Hindu laining chattuna makhoibu mang-i haina inthok-i haikhi. Ngasidi lup kayana sinduna ningol chakkouba haiba chaokhraba kumheiduda Meitei Bamon na chak thongduna makhutmakna chak insang haptuna chingmeesingbu mabuk penna pijarakli. Asidasu nattana Meetei gi yum kayada chinggi ichal iche kayasu thamoi sengna chakkouba chattharakli. Apunba yelhoumeegi mapalgi khut changba ngamkhidaba asengba lai, Tingkao Ragwang bu irat thounibagi Chakan Gan Ngai da Meetei gi ima iben, iche inem kayana athenpot lanba leptana chattharakli.
Manipur (Kangleipak) gi apunba puwari lei haibasi Meetei na utliba Mera Hou Chongba, lai haraobagi lairoi numitta Tangkhul Nurabi gi leppa leitaba warina leptana paokhumni. Chinggisu pendaba, awat apada hainingba haisanu, iningba isanu, pumnamak amamamta oina understanding da laknaba hotnagadbani. Masina purakpa integrity amasung unity adu matam pumbagi oigadabani.
Ngasigi malem asida ethnic issue haibadi furup machagi wahang leitaba leibak leite haiba yai. Furup macha machasinggi saktam, tongan tonganba lol, chatnabi, masagi lamgi ikai khumnaba, sotthahouraraba kanglup nattraga furup machada tangaifadana akhannaba tengbang piba chang-i. People’s Republic of China da minority ethnic population 55 rom leibaduna China gi apunba furupta henna mapanggal happagumna malemgi oinasu atoppa leibak kayada thouwong asi leiba ui. Manipur (Kangleipak)gi oinasu thouwong asi tangaifadana pukning thougatpa chummi. India kouba leibak asi semdringeidagi Manipur (Kangleipak)di ningtamba leibak oiduna laklaba chahi 2000 henbagi ayiba puwari leiraklaba leibakni. Adumakpu yamna pikpa state amani khangna khangna, khunggang muktang chaoba mafam kharana state 1 semgani haiba agenda da thajaba meewoisingsu chinglamdagi thorakpasu yaori. Manipur (Kangleipak)gi puwari asi 20 suba chahichagi malemsigi puwarigi machet ama oiduna lak-i amasung Kha Nongpok Asia gi civilisation gi manung challak-i. Ngasigi malemda Manipur (Kangleipak) gumba apikpa lamdamga meesingda mannaba, nattraga lamgi pak chaobada mannaba nattraga hiram animakta hairap mannaba leibak 90 rom leiribani. Middle East ki achouba power oiriba Israel gi lamgi pak chaobadagi Manipur (Kangleipak) gi lamgi pak chaobana hellibani. Soviet Union dagi maning tamkhraba leipak Estonia gi meesingdagi Manipur (Kangleipak) gi meesingna lakh khara hellibani. Malem asida Manipur (Kangleipak) gi mafam karino haina hangnarak-i. Pakpa chaoba khairudana, malemsida maning tamba leipak kaya leiri. Malemda ‘Manipur (Kangleipak) gi Khollao’ taba fangdribasigi maram leifam thok-i. Malemgi ahanba lanjao amadi anisuba lanjaona purakkhiba achouba ahongbasinggi manungda panba tarabadi imperialism, fascism na marai chaitharakkhibaga loinana mannaba khunnai thoraknaba hotnaba, federalism gi changyeng thorakpa, loilamsingna ningkha tamlakpa, post nation thorakpa, science amadi technology na anouba laining oirakpa, global village amagi anouba mang mangnarakpa asini. Manipur (Kangleipak) gi ngamkhei sokhandana achumba kanglon-gi makhada Manipur (Kangleipak) gi tribe singna tribalism dagi nanthoknaba national process changbada Manipur (Kangleipak) gi maikeidagidi kana amattana thingba toude, yeithatpasu leikhidri. Eikhoigi houkhraba puwarigi liklam hongdokpa keidounungda oithokte. Iramdamgi semba loidriba puwaridi apunba Manipur (Kangleipak) gi furup 39 ki khutta lei. Iramdamgi oiriba fibham asida hangliba wahang khudinggi paokhum piba haibasisu akaknaba furup ama anikhakki thoudang natte, furup 39 gi nanthokfadraba thoudangni. Chahi 2000 dagi henna kairaktraba Manipur (Kangleipak) gi apunba lamgi ngamkhei, ngak senbagi thoudang Manipur (Kangleipak) gi apunba furupsinggi manungda Meetei, Naga, Kuki, Meetei Pangal hairiba khara chaoba furupsing asina apikpa meesing yamjadaba furupsingga loinana louminnaduna lakkhi. Thoudang asi houjiksu louri, tungdasu louduna leikhigani.
Tasengnamak handakki laibak thiraba thokhanningdaba thoudok asi thokningai oidaba amasung thokhallamdaba yabani. Adubu eikhoigi meeyamgi maraktagi meeoi kharana yeknababu masak khangba ngamhoudaba, yeknabana kanano, ichin inaona kanano haiba masak khangba ngamkhidabana eigi furupki ichin inaobu yeknaba oina uraga yeknaba India buna marup oina loukhibadagi thoudok asi thokkhibani. Houjik India na Manipur (Kangleipak) gi ningtam lal asi namthanaba makhal kayagi lallong chatthari. Hairiba lallongsing asigi manungda makhoida khwaidagi kannaba amasung tongjaba lallong oina sijinnaribasi eikhoigi kanglup masel muknahanduna mangminnahallaga makhoida mai onsillaktaba asini. Lallong asida India gi wakhal-lousing, lanmee, makhoigi nongmei maru, panggal amadi energy changdana yamna mai pakna chatthaba lalni. India gi lallong asigi langda thuduna houkhiba matamda Naga-Kuki, Meetei-Meetei Pangal amasung Kuki-Paite gi kanglupki irang thokkhre. Mamangda thokkhiba kanglupki muknabasing adugi temthengna kokta changkhiba cheina houjiksu mapung fana kokpa nattri.
Machin manao angam tannaduna muknarakpada kanagisu mai pakpa natte, malemgi mangda hennadum ikainingaini amadi thoudok asina kanagi mangjabano haibadusu khangna thabak toufam thok-i. Thokliba charangnaba asi leingakki security force ki mangam sijinnaraga namthabana waroisin natte. Masigi santainaba nattraga waroisin yeknabana pubirakkadabasu natte, eikhoi masel punna famminnaduna wakhal tana watannaraga purakkadabani.
Indian constitution asi India mayollamda leiriba meeoisinggi yenglaga semkhibani, masi semkhiba matamda eikhoigi meeyam yaokhiba natte, aduna eikhoigi yaifa thourang amatta masida yaodribani amadi constitution asina eikhoigi meeyamgi ningtamba purakkani amadi nungai yaifaba oirakkani haibagi oiroidaba manglan amata mangloidabani.
CorCom gi mityengdadi Manipur macha (Kangleicha) pumnamak asi Loi Mapu India gi mathakta lisang sitna chatharakliba ireibakki mangkhiba ningtamba amuk hanjinnaba Ningtam lantheng asigi achangba lanmee ngaktani. Makhoi amamamgi thawai amasung punsibu CorCom na yamna pammujei amasung mamal wangna loujei. Eikhoina khanthaba ngamhoudabadagi yeknabagi langda thuduna thokhallakpa thoudoksing asina eikhoigi ningtam lan-gi khongjel manglomda chakhatpagi mahutta tunglomda hannabagi maram oihalli. Adubu Manipur (Kangleipak) India gi loimee oirimakheidi asigumba thoudoksing asi leptana thokkhigani. Aduna asigumba thoudoksing leitaba ing tappa, nungsi channaba, ireipak ama leihananbada eikhoi ningtamba leibak ama hanna oiba mathou tai. Masigidamak ningtam lantheng asigi meithou hannadagi henna kankhat-hallasi.
Manipur (Kangleipak) ningtamnabagi lal asi namthanabagidamak kanglup masel muknahanbagi thabak asi India na ningthina sem saraga thokhanbani haibasi eikhoi punna khangminnabaga loinana lamdam asida khundaminnariba kanglup khudingmakna pukning fathaminnaduna hannagumna amuk hanna ing tappa purakminnarasi. Masibu thabakta onthoknaba hotnabada ireibakki nupa amasung nupigi civil society organisation sing, kanglup khudingmakki luchingbasing, naha amasung maheiroi lupsingna mangjil thana thabak toubiyu. Aroibada, handakki khutsemgi thoudok aduda leikhidraba lanjadraba thawai sing aduna taibang mapugi leikolda ingna chikna potthaba oirasanu amasung thoudok aduda asok-apan nanglaba pumnamaksu thuna fagatpa oirasanu.

Kangla

Dated: 12-May-2023