CorCom NA INDIA GI PRESIDENT GI MANIPUR KHONGCHAT ATHINGBA THAMLE
CorCom NA INDIA GI PRESIDENT GI MANIPUR KHONGCHAT ATHINGBA THAMLE
Publicity Committee, CorCom
Press Release |Ref/No/PC-PR-84/08/12/2025
Chatliba 2025, Decemember 11 da Loi Mapu Puren India gi President Draupadi Murmur na Manipur (Kangleipak) ta laktuna tha asigi 12 da pangthokkadaba nupilalgi thouramda saruk yagadouri hairiba khongchat asi lamdam asida eng tappa, chaokhatpa puraknaba natte, mahakki thousil amasung proxy war na kanglup masel nungsinahandaduna kangkhong chairaba lamdam asibu henna fivam sokhanduna makhoigi loilam mara chethannaba marou leiba khongchatni. Maram aduna na Draupadi Murmur Manipur (Kangleikpak) ki khangchat asi CorCom na Condemn toubata nattana Boycott su toure.
Houkhiba September 13 da O-Mangol gi masak oiraba loi mapu India gi Prime Minister Narendra Modi na Manipur (Kangleipak) ta laklambadu Higaiwa toubagi mahei kayam fanglabage yengba laklambani. India leingak maru oina Gujarat macha – Narendra Modi amasung Amit Shah – anigi thouensinna ngasi Manipur (Kangleipak) asida maral suklei leijadaba meecham 300 gi mayada hattokpikhre, meecham lising-lising kaya masagi poknafam lamdam maktada masagi yumda leijaba fanghendre lambi-lamjao, lamhang-tumhang yairekfam oihalle, yumthong khuding changduna chakni-finiduna saidangba (refugee) ama oina punsi lelhalle.
Houjikna India gi Loi-Puren oiriba President masamak laktuna achakpa mei asida kanglup amasung Political gi thao heijindouribara? Manipur (Kangleipak) ki apunba saktam asi India na keidounungda pamde. Manipur (Kangleipak) ki meeyam punkhidanaba furup ki mingda, laininggi mingda singchep thabada nattana asokpa mafamda matam matamgi thum thakchinduna thamli. Asumna India na Manipur (Kangleipak) thugainaba hotnaba asida pendraduna India masa na atamnana Manipur (Kangleipak) mutthatnaba hotnari. Muthatnaba hotnariba asigi saruk ama oina mamangeida Puya Mei thakhiba adugumna Gwaltabi da India gi lanmeena bus ta Manipur (Kangleipak) thaba wahei muthatli. Furup amasung laining gi mingda Manipur (Kangleipak) ki leingak (Administrative Unit) khaidoknaba hotnari. Aduga afaba saduna India gi President na senglaba Nupi Lalgi thouramda saruk yagani haiduna lakli.
Houkhiba 1904 amasung 1939 da Manipur (Kangleipak) ki Emasingna loi mapu British ki mayokta thengnakhiba nupilal animak lamdamsigi leimaidagi loilam maru fuktattuna eramdam Manipur (Kangleipak) ta ningtamba leingak/khunnai lingnabani. Lal animak ningtambagi ekhou langlaba Emasingna mai pakkhi. Lal animak malemgi meeoibagi puwarida atangbani. Manipur (Kangleipak) ta houkhiba chahi kayagi mamangdagi pangthorakliba nupilal ningsing thouram asidi loilam maru fuktattuna ereibakki ningtamba hanjinnaba Emasingna masagi hakchangdagi angangba ekheng sinthaduna amadi keisumsanggi awaba khangduna changsinkhiba ehou adubu ningsingbani. Adubu handak loilam sandokpa India gi luching purel oiriba President Draupadi Murmu na Nupi Lal gi thouramda saruk yagani hairakpa asi “Asengbadi India gi President na Nupi Lan Mangthokpa Lakpani” haina CorCom na lou-e.
Maram aduna asigumlaba Manipur (Kangleipak) pu manghan takhanbada luchingliba India gi President Draupadi Murmur gi khong chat asi eikhoigi meeyamna sougatfam thokte, Condemn amasung Boycott toufam thok-e. Eramdam meeyam hupna asigumba eikhoigi yeknaba oiriba Loi-Puren gi khongchat asi Condemn amasung Boycott touminnarasi haina CorCom na meeyamda thamjari.
India gi Loi-puren na lakkadaba numit asisi pung 01:00 dagi houraga mahakna eramdam asida leiriba matam faoba CorCom na Manipur (Kangleipak) pumba Total Shutdown laothokle. Athingba asina Ana Layeng, Meihou langpok, Esing amasung Asi-Ana gi thabak-thouram singdi konsilloi.
Kangla
Dated: 08 December 2025.
PUBLICITY COMMITTEE, CORCOM.
Click Here to Download the Official PDF File : CorCom PR-08 Dec 2025