BOYCOTT, INDIA’S INDEPENDENCE DAY CELEBRATIONS AND OBSERVE GENERAL STRIKE ON 15TH AUGUST, 2024

Press Release: Ref/No/ PC-PR72/11/08/2024

INDIA GI NINGTAMBADA MANIPUR (KANGLEIPAK) KI YAODE, CorCom

Eng kumja 1891 gi Anglo-Manipur (Kangleipak) War da maithiduna Manipur (Kangleipak) na British Protectorate ama oina leirakkhibadu British Parliament na Indian Independence Act (IIA), 1947 pass touduna Act asigi Section 7 (1) (b) gi matung-enna Manipur (Kangleipak) yaona British India gi makhada leiramba Princely State pumnamak maning makha tamba hanjinkhi. Manipur (Kangleipak) su amuk hanna masagi maromdom lepchabagi mangam mapung fana hanjinduna mapung faba Sovereign Independent State ama Eng kumja 1947 ki August 14th da oirakkhi. Indian Independence Act, 1947 asigi matung-enna India amasung Pakistan anisu ningtamba leibak amam-mam oirakkhi. Manipur (Kangleipak) gi oina Ningthouna leingaklambadagi miyamgi leingak laknabagi tanja lakkhi. Manipur (Kangleipak) State Constitution Act, 1947 (MSCA) semduna, masagi legislature leijaduna Philippines gi mathangda Asia da Parliamentary Democracy chatnaba Manipur (Kangleipak) na anisuba leibak oikhi. Eng kumja 1947 ta Britain dagi ning tamhoubada ngairiba, loimee oibagi cheina koktriba India na Indian Independence Act (IIA),1947, Manipur (Kangleipak) State Constitution Act (MSCA),1947, UN Charter amasung Vienna Convention on the Law of Treaties (VCLT),1969 gi provision sing thugaiduna matik mangam yaodraba Manipur (Kangleipak) gi Ningthou Budhachandra bu Eng kumja 1949 gi September 21st Shillong da langoi chanduna makhoina semsaraga purakpa Merger Agreement da namduna khutyek pihanduna 1949 gi October 15th da Manipur (Kangleipak) bu India da namduna lousinkhi. Hairiba thoudok asibu Eng kumja 1949 gi September 28th dagi houna meeyamgi meehutsing yaona Manipur (Kangleipak) meeyamna singnaduna lakli. Eng kumja 1904 gi Nupi lal ahanbadagi houraga, Irabot ki ningtam ehouna loilam thengnaduna anouba meeyamgi leingak-loilam namthaduna eromdom leingakchabagi khongchat adu kumja 1949 da India na Manipur (Kangleipak) bu namtin tilhankhibana aremba tahankhi. Loi mapu British tagi India na amuk hanna loi chankhi (recolonise toukhi). Masigi loichanbagi liklam asidagi nanthoknaba eramdamda ningtam lal thengnaduna ngasisu Manipur (Kangleipak) na decolonization process ta leptana changsilli haina CorCom na thamjari.

Hairiba recolonisation asi mapung fahannaba hotnabada India na mioiba khunnaida touheidaba kaya touri. Madugi manungda Cryptocracy gi leingak, meeyam pundanaba khatnahanba, meeyam khamthengna lairahanba, mahei masing fajana tamhandaba, hougatlakliba naharolsing paktaknana drug pijaba, sanna-khotnaba hanthahanbanachingba thabaksing maipakna chatthari. Pumnamaksi khunnaisi tinjang-kaijanghallaga namduna tumna manghannaba hotnaba (force liquidation) ni. Khunnai ama hanna loichannaba hotnabada ahanba pambeidi Cryptocracy leingak ama semgatpani. Masi loi mapugi lichatni. Manipur (Kangleipak) na ningtamlingei matamda toukhiba meekhal adugi maong malhanna houjiksu India gi mityengkhada meekhal pangthokli. Adubu asuppa leingakti India na pairi. Eikhoigi leingak makokpu hanglai oina thamlaga makhoina touning touningba tougani. Masibuni Cryptocracy hairibasi, masi ngasigi wathok asi lakpada tarang-tarang ubani. Houjik leibakki asuk yamna chiraba matam asida eikhoigi leingakpasinggi kari matik leiri. Maramdamgi meeyamna poknafam lamdamsimaktada refugee oina meeoi lising 60 chahi amaga tha mari hellafao hanglai leingakna kari touba ngamli? Delhi Bandit singna touning touningbata touribasini. Manipur (Kangleipak) gi Chief Minister amasung cabinet minister sing mamingtagini hanglai oina leibani. Thousil thourang pumnamak recolonisation process ka chana-chunana India na yatli amasung pangthok-e.

Recolonisation process ta toufam thokpa machat ama panba tarabadi leingaktugi makhada leiriba meeyam kham thengna lairahanba, masibu oithokhannaba leibaktugi meeyam potthok puthokpa ngamhandabani. Masiga loinana meeyam khamthengna lairahallaga Delhi na yenba cheng, thao-thum chadunata hinghanba amadi punsi mahingda chinjakki oina matam chuppada Delhi da tangjadrabadi hingba ngamhandabani. Captive economy gi anouba saklonni.
Handakki lal asida loumi amata fajana lou uba ngamhankhide, houjiksu ngamhandri. Thamfam thoktaba buffer zone na athingba thamduna loumising lou uba ngamdri. Entrepreneur loina sire, keithel da pot leinaba meesu leitre, pot yonbasu ngamdre, sinsang macha-machasu thabak touba ngamdre. Lupa crore-crore na khujing oiduna mangliba senmit (economy) asi fukkatnaba hotnabada chahi 20/30 di Delhi bandit mayamgi makhongda tuduna leihannaba hotnaba thousilni. Meeyamna potthok-chathok marang kainaba anouba mityeng ama thamduna hotnarakpadagi ahongba ama lakpa hourakpada ngairingeisida mamang chahigi May 3rd amasung masigi matung tarakpa thoudoksing asina Manipur (Kangleipak) gi economy uchida amuk hanjinhalle. Masigi mathakta cryptocrats mayamsina pusilluba senfamna lamdamsigi mamagi pibuknungda leiriba poktriba angang faoba makhoina poklakpa matamda sendon yaona poklaklani.
Recolonisation process ta toufam thokpa machat ama panba tarabadi khunnaidugi naha mayam mahei masing tamhandaba amadi naha pumnamakpu drug ta laichuhanduna pungtak – taklaba khunnai oihanba asisu amani. State asida leiriba state amasung central force lakh amarom asina meeyamgi lan-thum, punsi ngaktuna wathok asi loisinbagi mahutta kumhei oina yengduna leibada nattana nakal amada tongsinduna lanjao oihallakpadagi maheiroi naha kaya mahei tamba toktuna lamhangda, chingkhongda leiduna hingbabu tungoinaduna lanthengnari, khul ngakpagi thoudang louri. Masi India na enkhatlakliba nahasingbu lairik padraba-mahei ningthina tamdraba oihanduna tunggi mirolsibu hamchatnaba oihannaba hotnabani. Tunggi mirol manghallaga khunnaidu hamchatnahan-ge hairabadi nahasing mamit-mana singhandaba, tinjang-kaijanghanba masana tabani.
Nahasingbu masa-mawu fattaba oihan-ge, tingjang kaijanghan-ge hairabadi makhoibu drug ta laichuhanba, sanna-khotnaba lephanba, ngamhandaba tabani. Leibak asida nahasingda drug pijaribasi leingakpanani. Drug sungba, poppy thabada Delhi bandit ki macha-masu, military amadi para military gi officer singsu saruk yade haiba yaroi, makhoi loina khutsamnaraga toubani. Delhi bandit singgi khuraktagi littharakpa machum khara chaba fangnaba makhoina touba pumnamak lamdamsigi cryptocrat singna khangsinnadana lakli. Masi pumnamak kupsinba yanaba drug ki business pumnamak state leingakna mamingtagi oina athingba thambani.
Naha mayamasi drug tagi natheinaba sanna-khotnabada thawai yaohanbani. Malemgi sannabagi changdamnaba Olympic ta India gi sannabagi power house ni hairiba Manipur (Kangleipak) dagi mioi anikhak chatpada amana reserve ta thamba haibasi Manipur (Kangleipak) gi sannabagi fivam kayam sokchillabage haibadu yengbiyu. Sports university urep uyung tamkhiba matam kuirabasu ngasi faoba asengba atabi ama mayek sengna uba fangdri. Namthak touduna meecham meeyamgi mitta ut chaibagi heinabisi loi mapu amasung cryptocrat singgi hounabini. Pumnamaksigi mathakta chada-cha post-traumatic stress disorder leiraba nahasing asina mahousagi punsida hanjillakpada chahi kaya changgadouri. India gi pandamdi tungda lakkadaba mirolsi pungmut mutthatlabadi matam changlabasu changna recolonisation process asi chada-cha mai pakle haibasini. Erang sangthahanba, Delhi Bandit singgi makokna Manipur (Kangleipak) gi wathok asigi matangda wa ngangdaba amadi Manipur (Kangleipak) da amuk faoba lakkhidaba amasung state leingakki makokna cryptocracy gi best actor oina thabak touribasi recolonisation process mai paknaba sinba lallongni. India gi handakki union budget 2024-25 sembda lal amadi natural disaster thoktuna khamthengna awaba nangliba Manipur (Kangleipak) sel thadabagi wafam amata yaodribasi loileibak oibagi machattu utthokcharakpani. Loi mapuna loilamda awaba taba nattraga chaokhatnaba semgat sagatnabagi thousil thourang leite haibadu mayek sengna utthorakle.
Manipur (Kangleipak) da thokliba lal asi khunnai asi pungmut mutthattuna amuk hanna hougat kangkhatpa ngamdanaba India gi khutsemna thokhanbani haibasi ngasidi naha-ahal khaktana meeyam hupna khangle. India na makhoigi thousil asi mai pakhannaba proxy war touri-proxy leingak thamli. Loi mapu amasung lamlou lanmee gi lallongdi leppa leiroi. Houjiksu cryptocrat singna Delhi bandit mayamga tannaraga mafia gang mayam ama semgatli. Leibak manungda leiminnariba ereichasinggi manungda sannariba kumheisi mamut tana khangba meeoising kihan khanghanduna machin melli. Geo-politics natheinaba wa machet amata ngangdri. Pumnamaksigi yanglen saru oiriba hiram asida akhang aheina ngangba manada haptri. Khanna-neinaba kaya toknaba, achumba ngangba pumba koukhat-koukhattuna kihan khanghalli. Bhoot sannaba mioi ayamba loisinba heitrabadi makhouri metkhibagi wari kaodaba fei.
Bhootsing makondagi chaithoraktuna tamnalai onkhiba houraklabanina lamdam asi khudongthiba fivam amada laklagani haibasi khangna houjikti meeyam khu senba matam oire. Meeyamna toina ningsingbigadabadi Delhi bandit singna cryptocracy leihalli. Masibu leirabadi tamnalai masing yamna meeyam marakta kumhei touba houraklani. Ereicha masel amaga amaga thajanararoi, punnaba hotnabasu wagani, hunnabadi leppoi, marak marakta apangbana maral foidatpagi thabaksu tourani.
Pumnamaksi safagadabadi ereicha pumbana recolonisation process leiba matamda thokliba proxy gi masak amasung thabak pumnamak mamut tana khangduna meeyamna decolonisation process ta laktuna loi leingakpu punna thengnaminnaraga muknariba pumnamak asi loisinba ngamlaba matam adudani. Matam adudadi machoi machoisu tararoi, pundabasu leiraroi, kanglupki erangsu leiraroi, cryptocrat –su democrat ollaklani, tamnalaisu yawolloi oirakkani, meeyamgi yeknabasu Delhi bandits khaktani khanglakkani.

Wafamsi meeyamda ningsingjabagi maramdi India ningtambagi nungaibada eikhoigi saruk yaodri haibasi ereicha pumnamak khangmin-uminnabagi fivam lakpadagini. Lakliba wahangdi India na India shining; Bharat mahan he-di hairaga magi leibakmeeni hairiba meeoi 226 sikhraba, yum lising 10 gi mayada mei chakkhraba, yum kaya thudeklaga athingba yaodana leitem manana temthokkhraba, meeoi lising 60 gi mayada lanjennaduna leiriba meeyamsidi August 15th da nokna-nokna saruk yahanba ngamdriba karigino? Ningtambagi machu ahumgi firaldu atei state ta paibadi ningtamme haibani, eramdam ema leibak asida paibana eikhoibu lousinkhibagi lan-ngam firal thetpani, loilam sandokpa mai pakle takpani. Numit asi India gina ningtamba, eikhoi Manipur (Kangleipak) gina ningtambagi numit takhiduna minai oibagi masak takpani. Eikhoi Manipur (Kangleipak) machasingdi loilam sandokpa India gi makhada loimi oina leirubana ningtam numit pangthokpa ngamdri, ningtam firalsu paidri. August 15th da tariba makhol mayamsidi ngasi loimee oiraba Manipur (Kangleipak) miyamgi mafamdadi loilamgi kolluna chapkhaibagi cheinakholni.
15th August India gi Independence Day chahi khudinggi CorCom na boycott touduna lak-e. Handaksu CorCom gi boycott adum-mak leigani. Boycott asigi saruk ama oina lamdam asigi mafam sinba thungna 15th August ki ayuk pung 1:00 AM dagina numidang wairam pung 6:30 P.M. faoba total shutdown tougani. Adum oinamak essential service sing, medical, electricity, water supply, fire service, press amasung laining laisol ga mari leinaba thabaksingdi shutdown asidagi komthokkani.

dated: 11/08/2024

Publicity Committee, Corcom

---

Official File