15 October: National Black Day
Publicity Committee, Corcom | Ref/No/PC-PR74/10/10/2024
October 15: National Black Day
Chahi lising 2000 gi mathakta ayiba puwari leijaduna ningtamba leibak ama oina nation amagi matik mayai chitthadana ningtamna pallamba, 11 suba chahichada ayiba leingaklon leiraba, British loilam leingakna ing kumja 1891 dagi lousinba faobada ningtamba manghallamdaba leibak Manipur (Kangleipak) na India leingaktagi nongma hanna August 14, 1947 ta ningtamba fangduna anouba leingak ama lingduna, leingakcharaba Manipur (Kangleipak) October 15,1949 da India gi fibannungda namduna tinsinkhi.
Adugi matung namlou lousinbagi hounaba lamlou lanmee mayam thajinduna, hingcha yaitambagi Act, AFSPA 1958 thamjinduna maral leitaba hatpa, fakhraga thiba khanghandaba, sasinnaba khut thoknabada hatpa, nupigi ikai khumnaba manghanba, tamthina ot-neiba, fu-cheiba, hingjage haiba haktu meeyamda fanghandana matam kayagi mamangdagi India na state terrorism chatthaduna lakli. Asumna achouba lan ama loiam leingakpa -Delhi amasung masigi lamlou lanmeena iramdam asida landarakpada eikhoina lanthengnabani (War against war ni). Waging war against India haibadi India da lan houba natte. Loilam leingakpa India lamdamsida leiganu- lamlou lanmee lamdamsadagi chatkhro, ningtamna Manipur (kangleipak) leijage haibani. India dagi tokhai tage haiba natte, India na matkhiba hanna leijaramba ningtambadu amuk hanjinjage haibani.
Manipur (Kangleipak) ki ningtamba hanjinnabagi ihou asi India na namthaba ngamlaktaduna apunbagi saktam thugainaba kanglup amaga kanglup amaga hatnanaba India leingakna leptana chatharakpana ngasidi kanglup masen unaba yanadre- changnaba ngamnadre. Leingak ani khatnabada semba buffer zone gum lamdam asida thamduna lam machet machet Mayang lamlou lanmeena sennari. Lamlou lanmeena ningtam lanmee thengnaba kiduna proxy war chatthaduna Myanmar dagi changlakpa meetop singda khutlai, sel, chana-thaknaba awat-apa leihandana Manipur (Kangleipak) tampakki meecham meeyamda genocide chatthahalli, ethnic cleansing touri. Khutlai paiba khutnek lanmeesing asibu lamlou lanmeena sougatli haibasi India gi Chief of Army Staff, General Upendra Dwivedi na piba warolda drone na aerial bombing toude haiba, aranba narrative amasung toknga kaya sandoktuna thokliba thoudok asigi asengba saktam manghannaba hotnari. Loinana Assam Rifles ki thabaktagi pottharaba Director General Lt. General Pradeep Chandran Nair na houbadagi loiba faoba kanglup ama sougatuna ngangbasina mayek laraba khudamni.
Chatthariba proxy war asigi maru oiba pandam anini. Ahanbada lalhouba namthaba amasung Manipur (Kangleipak) tampakki khunnailon, senmitlon amasung leingaklon litkhatpa ngamdana leihanbani. Anisubada, iramdamgi tangla-tanglaba leinunggi potthok louthoknaba hotnabani.
Meekha pollaba lamdamdagi resource pumnamak louthokpa haibasi loi mapugi machatni. India na eikhoigi meeyam siba, yum mei chakpa, hatna-sunabadi lumna loude. Makhoina khanbadi matou karamna lamdam asigi leinunggi lan-sing louthokkadage haiba asitani, leinunggi lan-sing louthokkhraba matungda akoibada leiriba lamdamsigi meeyamna wahougadaba, thengna-hougadaba awaba, khudongthibasinggidi makhoina khanba natte. Matam kharagi mamangdagi houraga houjik lamdamsigi chingkhong-chingyada buffer zone haina India gi lamlou lanmeesingna semduna kanasu changhandana ngak senduna kansinduna thamliba asi atei karigisu natte, leinungdagi thao, uranium, platinum, lime stone, chromite louthokpa yanaba mangjounana sem saduna mafam kallibani. India gi thourangsing asina thabakta onthoraklaba matamda nongmadi eikhoigi nungsijaraba eichin enaosing asi kanba ngamlaroidaba angakpa fangna awaba kaya mayoknarakkani.
Lan-na kanglup amana numit khudinggi drone, rocket yaona touri, aduga combing operation na tampaklamda numit khudinggi leptana chatthari, meefa-meepun touri. India gi lamlou lanmee makok General Upendra Dwivedi amasung Assam Rifles ki thabaktagi pottharaba Director General, Lt. General Pradeep Chandran Nair loinana India gi Prime Minister amasung Home Minister na chap mannana puthokpa semjin sajinba wahei kaya ngang-sakpa amasung leibakki manung mapan anida sandokliba aranba narratives mayam asi kupsinba yanaba tampakki meeyamda tainari. Meeyamna India kanano khangba henna henna mayek senglaknaba thabak kaya tourabasu India na masi khangna khangna usittana tou-i. Chahi ama makhai fagadouraba matam asi kanglup ani hatna-sunahallaga Delhi dagi lakpa lamlou lanmee lising humfuna karigi kumhei oina yengduna leiribano ? Malemda khwaidagi chaoba democracy ni hairiba India da magi citizen sing hatna-sunabada yengduna leiba ngamlibasi loilamgi asengba machatni. India gi thouwong asi Manipur (Kangleipak) bu makhoina khudum challaba lam (occupied territory) aduga Manipur (Kangleipak) meeyambuna loimee (colonized people) oina khalli haibadu mayek sengna utthokpani.
Nungsijaraba Manipur (Kangleipak) (Kangleipak) gi meeyamda CorCom na haijaningbadi eikhoi meekap thoklasi, fatta-lousing heiba India gi lounam-namthak masak khanglasi. Manipur (Kangleipak) asi khundaduna leiminnariba furup khudingmakkini, khundaminnariba kanglup-furup khudingmak punna nungsi channana hingminnasi amasung punna panminnasi loinana lam karamba India gi mathakta punna lan thengnaminnasi.
India na Manipur (Kangleipak) (Kangleipak) pu namduna losinkhiba numit October 15 asi eikhoigi ningtamba amasung meeoibagi hak manglaba amamba numit “National Black Day” haina CorCom na khangnaduna lakli. Maram asina lakliba Engkumja 2023 gi October 15 asisu mahousagum ayuk ki pung 06:00 tagi numidang-wairam pung 6:00 faoba Manipur (Kangleipak) (Kangleipak) gi mafam pumnamakta CorCom na pung 12 chupna Total Shutdown laothokle loinana meeyamna Shutdown asibu sougatpiyu. Total Shutdown manungda tangai-fadaba ana-layeng, meihou-langpok, e-pao amasung laining-laisol ga mari leinaba gi thabaksingdi komthokkani.
Kangla/ Dated 2024, October 15
Publicity Committee
Corcom
Please Click Here to Download the Official File
👇
Leave a Comment